Malkopby

in Wikipedia, die vrye ensiklopedie
Spring na: navigasie, soek
Malkopby
Osmia rufa
Wetenskaplike klassifikasie
Koninkryk: Animalia
Filum: Arthropoda
Klas: Insecta
Orde: Hymenoptera
Familie: Megachilidae
Subfamilie: Megachilinae
Tribus: Osmiini
Genus: Osmia
Panzer, 1806
Spesies

Osmia bicolor
Osmia cornuta
Osmia lignaria
Osmia ribifloris
Osmia rufa

Die naam malkopby of messelby word algemeen gebruik vir byespesies in die genus Osmia. Malkopbye bou hulle neste in amper enige beskikbare gaatjie, hoofsaaklik in hout, maar selfs in leë slakkehuise is al gebruik. Die nes word uit slegs een materiaal gebou en die by sal modder gebruik om afsonderlike kompartemente in sy nes te bou (vandaar die naam "messelby").

Malkopbye word toenemend deur mense aangehou en geteel, vir die bestuiwing van vrugtebloeisels in die vroeë lente. Hulle word soms as 'n alternatief, maar toenemend as 'n aanvulling vir heuningbye gebruik.

Anders as heuningbye, is malkopbye nie sosiale bye nie: elke wyfie is vrugbaar en bou haar eie nes en daar is geen werkersbye nie. Hulle produseer ook nie heuning of byewas nie.

Hierdie by kan gelok word deur vlak gate in 'n blok hout te boor. Siende dat hulle nie heuning het om te beskerm nie, sal hulle mens slegs steek indien hulle voel hulle lewe is in gevaar (byvoorbeeld wanneer 'n by tussen 'n mens se vingers vasgehou en gedruk word). Hulle is dus gewilde tuininsekte, siende dat hulle plante bestuif en nie 'n bedreiging vir kinders of troeteldiere inhou nie.

Malkopbye is gewoonlik 'n metaalgroen of -blou, alhoewel daar baie spesies is wat swarterig is.