Marcus Romondt

Marcus Romondt is ’n skuilnaam van Johanna Brandt (*18 November 1876, Heidelberg Transvaal – †13 Januarie 1964 Nuweland, Wes-Kaap) Brand is bekend vir haar werk as spioen vir die Boeremagte tydens die Anglo-Boereoorlog en die boek(e) wat sy later oor die ervaring skryf.^[1]

Biografie[wysig | wysig bron]

Johanna Brandt is op 18 November 1876 op Heidelberg in die Transvaal gebore as dogter van ds. Nicolaas van Warmelo en kleindogter van landdros Dietlof Maré. Gedurende die Britse besetting van Pretoria het sy en haar moeder ’n spioennasienetwerk vanaf hul huis, ‘Harmonie’, wat aan die oewer van die Apiesrivier gestaan het, bedryf. Brandt was een van ses vrywilliger-verpleegsters wat in die Irene-konsentrasiekamp diens gedoen het. Sy was ook verantwoordelik vir die bekendmaking van die haglike omstandighede van vroue en kinders binne die kampe deur dat sy inligting binne ’n sigaretdosie aan die Britse joernalis W.T. Stead gesmokkel het. Stead het hierdie inligting in die Review of Reviews gepubliseer en dit het uiteindelik tot ’n daling in steun vir die Britse oorlogspraktyke gelei.^[2] Na afloop van die oorlog publiseer Brandt verskeie ander werke, onder haar eie naam sowel as die skuilname Marcus Romondt en Moeder Vernuf. Sy was ook ’n profeet wat ’n visioen oor die toekoms van Suid-Afrika ontvang, waarna sy verskeie boeke oor omstrede genesingspraktyke skryf.^[1]