Mary Ann Bevan
Mary Ann Bevan (née Webster; 20 Desember 1874 – 26 Desember 1933) was 'n Engelse vrou wat, nadat sy akromegalie ontwikkel het, deur die byvertoning-kring getoer het as "die lelikste vrou ter wêreld".[1]
Vroeë jare[wysig | wysig bron]
Mary Ann Webster was een van agt kinders wat in 'n werkersklasgesin in Plaistow, Oos-Londen, gebore is. Sy het later 'n verpleegster geword. In 1902 trou sy met Thomas Bevan[2] met wie sy vier kinders gehad het. Thomas Bevan is skielik in 1914 oorlede.[3]
Byvertoning loopbaan[wysig | wysig bron]
Bevan het die simptome van akromegalie begin vertoon kort nadat sy getroud is, omstreeks die ouderdom van 32.[4] Sy het begin ly aan abnormale groei en gesigsvervorming, wat gelei het tot haar "huislike" voorkoms, tesame met erge hoofpyne en vervaagde sig. Ná die dood van haar man in 1914 het sy nie meer die inkomste gehad om haar en haar vier kinders te onderhou nie. Bevan het besluit om munt te slaan uit haar voorkoms en het deelgeneem aan 'n "Lelikste vrou"-kompetisie wat sy gewen het.[3]
In 1920 is sy deur Sam Gumpertz gehuur om in Coney Island se Dreamland-byvertoning te verskyn, 'n vorm van fratsvertoning, waar sy die grootste deel van die res van haar lewe deurgebring het. Sy het ook tot haar dood vir die Ringling Brothers Circus verskyn. Sy is by Brockley- en Ladywell-begraafplase begrawe.
Nalatingskap[wysig | wysig bron]
In die vroeë 2000's is Bevan se beeld gebruik op 'n verjaardagkaartjie in die Verenigde Koninkryk wat deur Hallmark Cards gemaak is. Die kaart het verwys na die uitneemvertoning Blind Date. 'n Klag is deur 'n Nederlandse geneesheer gemaak dat dit oneerbiedig was teenoor 'n vrou wat as gevolg van 'n siekte misvorm geraak het. Hallmark het ingestem dat dit onvanpas was en het voortgegaan om die verspreiding van die kaart te stop.[5]
Verwysings[wysig | wysig bron]
- ↑ "National Fairground Archive – Extracts from World's Fair, 1931–1940". The University of Sheffield. 2007. Geargiveer vanaf die oorspronklike op 18 Mei 2015. Besoek op 16 Junie 2019.
- ↑ "England and Wales Marriage Registration Index, 1837-2005," database, FamilySearch (https://familysearch.org/ark:/61903/1:1:263B-WFY : 13 December 2014), Mary Ann Webster, 1902; from "England & Wales Marriages, 1837-2005," database, findmypast (http://www.findmypast.com : 2012); citing 1902, quarter 2, vol. 2A, p. 839, Bromley, Kent, England, General Register Office, Southport, England
- ↑ 3,0 3,1 Hartzman, Marc (2006). American Sideshow: An Encyclopedia of History's Most Wondrous and Curiously Strange Performers. Penguin. p. 121. ISBN 1-585-42530-3.
- ↑ American Philosophical Society. 6 Augustus 1924. "Mary Bevan and her children". Besoek op 22 Augustus 2007.
- ↑ Danzig, Jon. British Medical Journal. 4 November 2006. "Doctor protests at greeting card manufacturer making fun of woman with acromegaly".