Missouririvier

in Wikipedia, die vrye ensiklopedie
(Aangestuur vanaf Missouri-rivier)
Spring na: navigasie, soek
Missouririvier
Die Missouririvier in St. Joseph.
Die Missouririvier in St. Joseph.
Missouririvermap.jpg
Die stroomgebied van die Missouririvier.
Oorsprong Brower's Spring
Monding Mississippirivier naby St. Louis
Gebied waardeur dit vloei Verenigde State
Lengte 3 767 km (2 341 myl)
Oorsprong hoogte 1 232 m (4 042 voet)
Monding-hoogte 123 m (404 voet)
Gemiddelde afloop 2 445 m³/s (86 340 ft³/s)
Stroomgebiedoppervlakte 1 371 010 km² (529 350 myl²)
Kaart van die Missouririvier-bekken in Noord-Amerika.
Kaart van die Missouririvier-bekken in Noord-Amerika.

Die Missouririvier (Engels: Missouri River), wat in suidwestelike rigting deur die westelike Verenigde State vloei, is die langste rivier in dié land en is een van die takriviere van die Mississippirivier met 'n lengte van 3 767 kilometer van sy oorsprong in Brower's Spring in Montana tot by sy monding in die Mississippirivier naby St. Louis. Die rivier maak deel uit van die Jefferson-Missouri-Mississippi-rivierstelsel, die grootste in Noord-Amerika en een van die grootstes ter wêreld - met 'n totale lengte van 6 300 kilometer (3 900 myl) is dit die vierde langste ter wêreld, en volgens sy afloop van 2 445 m³/s (86 340 ft³/s) die tiende grootste ter wêreld. Die rivier loop deur die sentrale VS-deelstate Montana, Noord-Dakota, Suid-Dakota, Nebraska, Iowa, Kansas en Missouri.

Die Missouririvier is benoem ná die Missouri-Indiane. In die Voor-Kolumbiaanse tydperk was die rivier reeds 'n beduidende waterweg vir die plaaslike Eerste Nasies wat na die Missouri verwys het. Die Missouririvier speel steeds 'n beduidende rol in die Amerikaanse uitbreiding na dié geweste.

Alhoewel die gemiddelde afloop van die Missouririvier 2 445 m³/s beloop, kan dit varieer van 2 445 tot 20 167 m³/s. Nedersettings langs sy oewers moet met damme langs sy takriviere en oorloopbekkens langs sy benedeloop teen oorstromings beskerm word. Nogtans kom groot vloedrampe soos dié van 1993 (die swaarste ooit in die geskiedenis van die VSA) langs die Mississippi- en Missouririvier voor.