Mohammad Khatami

in Wikipedia, die vrye ensiklopedie
Spring na: navigasie, soek
Mohammad Khatami
Mohammad Khatami

5de President van die
Islamitiese Republiek van Iran
Ampstermyn
2 Augustus 1997 – 3 Augustus 2005
Voorafgegaan deur Akbar Hashemi Rafsanjani
Opgevolg deur Mahmoud Ahmadinejad

Minister van Kultuur en Islamitiese Leiding
Ampstermyn
12 September 1982 – 24 Mei 1992
Voorafgegaan deur Majid Moadikhah
Opgevolg deur Ali Larijani

Afgevaardigde in die Irannese Parlement
Ampstermyn
3 Mei 1980 – 24 Augustus 1982

Persoonlike besonderhede
Geboorte 29 September 1943
Ardakan, Iran
Politieke party Vereniging van Vegtende Geestelikes
Eggenoot/eggenote Zohreh Sadeghi (1974-)
Alma Mater Universiteit van Isfahan
Universiteit van Teheran
Religie Sjiïtiese Islam
Handtekening Mohammad Khatami signature.svg

Mohammad Khatami (Persies: سید محمد خاتمی, [sejˈjed mohæmˈmæde xɒːtæˈmiː]; * 29 September 1943) is 'n Irannese geleerde, Sjiïtiese teoloog en hervormingsgesinde politikus. Hy het tussen 2 Augustus 1997 en 3 Augustus 2005 as die vyfde President van Iran gedien. In die 1980's en 1990's het hy ook die amp van Minister van Kultuur beklee. Hy is tans een van die leiers van die Irannese Groen Beweging.

Khatami was aanvanklik min bekend buite Teheran, maar het die aandag van baie kiesers met sy landwye verkiesingsveldtog en sy politieke program van liberalisering en hervorming getrek. Hy is uiteindelik met 70% van die uitgebragte stemme as president verkies. Gedurende sy twee ampstermyne het hy vrye meningsuiting, verdraagsaamheid en konstruktiewe diplomatieke betrekkinge met ander lande voorgestaan, terwyl in sy ekonomiese beleid beginsels soos 'n vrye mark en buitelandse beleggings sentraal gestaan het.