Mount Whitney
Mount Whitney |
|
|---|---|
 Die oostelike kant van Mount Whitney, soos gesien vanuit die Whitney Portal |
|
| Ligging: | Kalifornië, Verenigde State |
| Hoogte: | 4 421 meter |
| Reeks: | Sierra Nevada |
| Koördinate: | |
| Tipe: | Granietgesteente |
| Rotsouderdom: | Krytperiode |
| Datum van eerste bestyging: | 18 Augustus 1873 |
| Eerste bestyger(s): | Charles Begole, Albert Johnson, John Lucas |
| Maklikste roete: | Mount Whitney-staproete |
Mount Whitney is die hoogste bergpiek in die samehangende staatsgebied van die Verenigde State met 'n hoogte van 4 421 meter bo seevlak. Die piek, wat na die staatsgeoloog Josiah Whitney (1819-1896) vernoem is, maak deel uit van die Sierra Nevada-bergreeks.
Mount Whitney is op die grens tussen die Kaliforniese counties Inyo en Tulare geleë, 136,2 kilometer wes-noordwes van die laagste punt in Noord-Amerika, Badwater in die Nasionale Death Valley-park (86 m benede seevlak). Sy westelike helling is binne die grense van die Nasionale Sequoia-park geleë, terwyl die bergspits die einde van die John Muir-staproete vorm wat vanaf Happy Isles in die Yosemite-vallei oor 'n afstand van 341 km na Mount Whitney loop. Die oostelike helling maak deel uit van die Nasionale Inyo-bosgebied in Inyo County.
