Nagklub

in Wikipedia, die vrye ensiklopedie
Spring na: navigasie, soek
Laserligte verlig die dansvloer op 'n beswymende musiekfees in 'n nagklub
Jong dames dans in 'n nagklub, sommige van hulle drink verversings, alkoholiese drank of koeldrank.
Pan American nagklub in Los Angeles, VSA.
Kroegarea binne 'n nagklub.

'n Nagklub (ook bekend as 'n diskoteek, of bloot 'n klub of disko) is 'n plek van vermaak wat gewoonlik tot baie laat in die nag bedryf word.

'n Nagklub word oor die algemeen onderskei van kroeë, 'bars' of 'pubs' deur die insluiting van 'n dansvloer en 'n DJ-hokkie, waar 'n DJ elektroniese dansmusiek, disco, in-huis, hip-hop, R&B, dans-pop, rock, reggae, pop en ander vorms van dansmusiek speel.

Die musiek in nagklubs is óf lewendige orkeste óf, meer algemeen, 'n mengsel van die liedjies wat gespeel word deur 'n DJ deur 'n kragtige luidsprekerstelsel. Die meeste klubs of klubnagte voldoen aan sekere musiekgenres.

Toegangsfooi[wysig]

In die meeste gevalle vereis 'n nagklub wat betree word, 'n eenmalige fooi, bekend in Engels as 'n cover charge. Sommige klubs kanselleer of verminder die fooi vir vroeë arriveerders, spesiale gaste en dames (in die Verenigde Koninkryk is laasgenoemde opsie onwettig onder die "Wet op Gelykheid 2010", maar die wet word selde toegepas). Vriende van die deurwagte of die eienaar van die klub kan gratis toegang verkry. Soms, veral by die groter klubs in Europese lande, kry 'n mens net 'n betaalkaart by die ingang, waarop al die geld wat bestee word in die diskoteek (dikwels insluitende die toegangsgeld) gemerk word. Soms word die toegangsfooi en kleedkamerkoste kontant betaal en slegs die drankies in die klub word met behulp van 'n betaalkaart vereffen.

Gastelyse[wysig]

Baie nagklubs bedryf 'n "gastelys" wat sekere deelnemers toelaat om die klub gratis binne te gaan, of teen 'n verlaagde prys. Sommige nagklubs het 'n verskeidenheid van ongepubliseerde gastelys-opsies wat wissel van vry, verminderde prys, of die volle prys met 'n tou met omleidingsvoorregte. Nagklubgangers wat op die gastelys is, het dikwels 'n afsonderlike ry by die deur en soms 'n aparte ingang van die volprysgaste. Dit is algemeen vir die gastelys se ry om langer as die volbetaling- of kaartjietoue te wees. Sommige nagklubs laat slegs klubgangers toe nadat hulle op hul webwerwe vir die gastelys geregistreer het.

Kleredrag[wysig]

Meeste nagklubs dring aan op 'n sekere dragkode om te verseker dat slegs 'n sekere tipe kliënt die klub bywoon. Sommige eksklusiewe nagklubs verbied die dra van tekkies of jeans, terwyl ander nagklubs weer 'n vae kleredragreël het. Dit laat die uitsmyters toe om te diskrimineer teen diegene wat aandring op toelating tot die klub, of diegene wat gereken word 'ongeskik vir die partytjie' te wees. Sekere nagklubs soos "fetish"-nagklubs mag 'n kode toepas van slegs-leer, slegs-rubber of fantasie kleredrag.

Sekuriteit en beheer[wysig]

Die meeste nagklubs het 'n span sekuriteitswagte (ook bekend as "bobbies" of "bouncers") wat elke aand aan diens is. Hulle het die mag om mense uit die klub te verwyder. Die meeste groot klubs het 'n balkon wat spesifiek vir dié span ingerig is om gaste dop te hou. Die span sal slegs ingryp indien iemand uiters dronk is, fisies siek is, die klubreëls verontagsaam, of ander gaste beseer, hinder of misbruik. Die meerderheid van die span staan ​​by die deure en maak seker dat niemand ongemagtig binnegaan nie. Ander werk wat die span doen, is die toesluit en mense vra om die perseel te verlaat nadat die klub gesluit het.

Hierdie artikel is in sy geheel of gedeeltelik vanuit die Engelse Wikipedia vertaal.