Odd Arne Westad

in Wikipedia, die vrye ensiklopedie
Odd Arne Westad
Odd Arne Westad
NasionaliteitVlag van Noorweë Noorweë
Alma materUniversiteit van Noord-Carolina by Chapel Hill
Universiteit van Oslo
BeroepHistorikus, skrywer

Odd Arne Westad (gebore op 5 Januarie 1960) is 'n Noorweegse geskiedkundige wat spesialiseer in die Koue oorlog en hedendaagse Oos-Asiatiese geskiedenis. Hy is die ST Lee Professor van VSA-Asië Verhoudinge by Harvard Universiteit en gee onderrig by die John F. Kennedy Regeringsskool.[1] Westad is ook 'n Senior Skolastici van die Harvard Akademie van Internasionale - en Gebiedsstudies.[2] Hy was voorheen Skool-Professor van Internasionale Geskiedenis by die London Skool van Ekonomie (LSE), waar hy ook gedien het as direkteur van LSE IDEAS.[3] Tydens die lente-semester van 2019 het Westad die Boeing Maatskappy Leerstoel in Internasionale verhoudinge by Schwarzman Kollege, Tsinghua Universiteit beklee.[4]

Agtergrond[wysig | wysig bron]

Nadat hy gestudeer het as 'n voorgraadse student by die University van Oslo, het Westad die Universiteit van Noord-Carolina by Chapel Hill bygewoon ten einde te werk op sy Ph.D onder Professor Michael H. Hunt. Hy was aangestel as Direkteur van Navorsing by die Noorweegse Nobel Instituut en in 1991 as Adjunk Professor van Geskiedenis by die Universiteit van Oslo. Hy het Oslo in 1998 verlaat ten einde aan te sluit by die Internasionale Geskiedenis Departement by die LSE waar hy ook gewerk het in die LSE Asië Navorsingsentrum voordat hy in 1993 Hoof van die Department geword het.[5]

Terwyl hy by die LSE was, het Westad in 2008 LSE IDEAS, die LSE se sentrum van internasionale sake, diplomasie en strategie saam met Professor Michael Cox gestig. Westad praat en skryf in 'n aantal tale, insluitende sy moedertaal Noorweegs, Engels, Frans, Duits, Mandaryn en Russies. Hy is 'n baie bekende lektor in verskeie lande, beide wat betref geskiedenis en kontemporêre internasionale sake, veral met betrekking tot China en Oos-Asië.

Dit was in 2014 aangekondig dat Professor Westad die eerste houer sou word van die ST Lee Stoel van VSA-Asië Verhoudinge by Harvard Universiteit vanaf die somer van 2015. Professor Westad gee tans klas in internasionale verhoudinge en wêreldgeskiedenis by die John F. Kennedy Regeringsskool.[6]

Werk[wysig | wysig bron]

Westad is veral bekend om sy her-evaluasie van die geskiedenis betreffende die Koue Oorlog. Sy interpretasie benadruk die rol van die konflik op 'n globale skaal, en nie slegs in Europa of Noord-Amerika nie. Hy onderstreep ook die ideologiese oorsprong van die Koue Oorlog en die langtermyn gevolge wat dit in Asië, Afrika en Latyn-Amerika gehad het. Die term 'globale Koue oorlog' word dikwels met Westad se werk geassosieer, en is opgeneem deur baie historici en wetenskaplikes. [7]

Westad is ook bekend vir sy werk oor die geskiedenis van China en Oos-Asië en hedendaagse internasionale sake. In sy boeke plaas hy klem op die skakels tussen China en die res van die wêreld, met die opmerking dat China se "oopmaak" tot die res van die wêreld nie 'n nuwe verskynsel is nie. Hy noem kontemporêre China dikwels 'n hibriede samelewing, meer so as enige ander land, wat uit beide Chinese en buitelandse dele bestaan. Hy was in die verlede krities oor huidige Chinese buitelandse beleid, wat hy as te nasionalistiese beskou, alhoewel hy ten gunste daarvan is dat ander lande saam met China werk, eerder as om te poog om dit te probeer beperk. [8]

Westad is die redakteur van die Universiteit van Noord-Carolina Drukkers se boekreeks oor die Koue Oorlog, en die stigters-redakteur van die joernaal Cold War History.[5]

Behalwe vir sy werk by die Londen Ekonomieskool het Westad Besoekende Genootskappe gehou by die Universiteit van Cambridge asook New York-universiteit. Hy het ook noemenswaardige toegifte vir navorsing ontvang by die Britse Raad op Navorsing in die Kunste en Geesteswetenskappe, die John D. en Catherine T. MacArthur Stigting en die Leverhulme Trust. Hy het ook werk gedoen as die Internasionale Koördineerder van die Russiese Buitelandse Department se Adviserende Groep op De-klassifikasie en Argivale Toegang .[9] In 2011 was hy genomineer (as een van twee kandidate) vir President van die Amerikaanse Historiese Assosiasie. Van 2013 tot 2016 het Westad ook gedien as Buitengewone Besoekende Navorsingsprofessor by Hong Kong Universiteit.

Westad het reeds vyftien boeke oor internasionale geskiedenis en kontemporêre internasionale sake gepubliseer, insluitende 'n nuwe weergawe van die Penguin History of the World (2013). Hy was mede-redakteur van die drie-volume Cambridge History of the Cold War (2010) saam met Melvyn Leffler.[5] Sy Restless Empire: China and the World since 1750 (2012) bied 'n oorsig oor die laaste 250 jaar van China se verhoudinge met die wêreld, en die The Cold War: A World History (2017) voorsien 'n oorsigtelike blik van die besondere konflik en die langtermyn belang daarvan. Die Times Literary Supplement het die werk een van sy boeke van die jaar gemaak en dit " 'n boek van dawerende belang vir die beoordeling of taksering van ons globale toekoms sowel as ons begrip van ons verlede.", genoem. [10]

Bibliografie[wysig | wysig bron]

  • Westad, O. A., Cold War and Revolution: Soviet-American Rivalry and the Origins of the Chinese Civil War, 1993 (Columbia University Press) ISBN 0-231-07985-0
  • Holtsmark, S. G., Neumann, I. B., Westad, O. A. (eds), The Soviet Union in Eastern Europe, 1945-89, 1994 (Palgrave Macmillan) ISBN 0-333-60230-7
  • Westad, O. A., The Fall of Détente: Soviet-American Relations During the Carter Years, 1997 (Aschehoug AS) ISBN 82-00-37671-0
  • Westad, O. A. (ed), Brothers in Arms: The Rise and Fall of the Sino-Soviet Alliance, 1945-1963, 1998 (Stanford, CA: Stanford University Press) ISBN 0-8047-3485-2
  • Westad, O. A. (ed), Reviewing the Cold War: Approaches, Interpretations, Theory, 2000 (Routledge) ISBN 0-7146-8120-2
  • Kang, G. H., Moon, C. Y., Westad, O. A. (eds), Ending the Cold War in Korea: Theoretical and Historical Perspectives, 2001 (Seoul: Yonsei University Press) ISBN 89-7141-563-0
  • Westad, O. A., Decisive Encounters: The Chinese Civil War, 1945-1950, 2003 (Stanford, CA: Stanford University Press) ISBN 0-8047-4478-5
  • Hanhimäki, J., Westad, O. A., The Cold War: A History in Documents and Eyewitness Accounts, 2003 (Oxford University Press) ISBN 0-19-927280-8
  • Westad, O. A., Beginnings of the End: How the Cold War Crumbled, in Pons, S., Romero, F., Reinterpreting the End of the Cold War: Issues, Interpretations, Periodizations, 2005 (Londen: Frank Cass) ISBN 0-203-00609-7 (hardeband) ISBN 0-7146-8486-4 (sagteband)
  • Westad, O. A., The Global Cold War: Third World Interventions and the Making of Our Times, 2006 (Cambridge: Cambridge University Press) ISBN 0-521-85364-8 ; Franse vertalings: La Guerre froide globale. Le tiers-monde, les Etats-Unis et l'URSS, 1945-1991 (Parys, Payot, 2007)
  • Quinn-Judge, S., Westad, O. A. (reds), The Third Indochina War, 2006 (Routledge) ISBN 0-415-39058-3
  • Roberts, J., Westad O. A., The New Penguin History of the World, 2007 (Penguin) ISBN 978-0-14-103042-5
  • Villaume, P., Westad, O. A. (reds), Perforating the Iron Curtain. European Détente, Transatlantic Relations and the Cold War, 1965-1985 (Copenhagen: Museum Tusculanum Press, 2010) ISBN 978-87-635-2588-6
  • Leffler, M. P., Westad, O.A. (reds), The Cambridge History of the Cold War, (Cambridge: Cambridge University Press, 2010).
  • Odd Arne Westad. Restless Empire: China and the World since 1750. (New York: Basic Books, 2012). ISBN 9780465019335.

Verwysings[wysig | wysig bron]

  1. ↑ "argiefkopie". Geargiveer vanaf die oorspronklike op 3 Julie 2017. Besoek op 20 Junie 2019.
  2. ↑ http://academy.wcfia.harvard.edu/people
  3. ↑ "LSE International History Professor Odd Arne Westad" (in Engels). lse.ac.uk. Geargiveer vanaf die oorspronklike op 22 November 2015. Besoek op 31 Oktober 2013.
  4. ↑ "Schwarzman Scholars". Schwarzman Scholars (in Engels). Geargiveer vanaf die oorspronklike op 20 Junie 2019. Besoek op 22 Mei 2019.
  5. ↑ 5,0 5,1 5,2 Odd Arne Westad's LSE International History Department Page
  6. ↑ "argiefkopie". Geargiveer vanaf die oorspronklike op 2 April 2015. Besoek op 20 Junie 2019.
  7. ↑ O.A. Westad, "Exploring the Histories of the Cold War: A Pluralist Approach," in D. Bell and J. Isaac, eds., Uncertain Empire: American History and the Idea of the Cold War (Oxford: Oxford University Press, 2013)
  8. ↑ O.A. Westad, Restless Empire: China and the World since 1750 (New York: Basic Books, 2012
  9. ↑ "Odd Arne Westad's LSE IDEAS Bio". Geargiveer vanaf die oorspronklike op 25 Februarie 2010. Besoek op 20 Junie 2019.
  10. ↑ "Books of the Year 2017 | The TLS contributors decide". TheTLS (in Engels (VK)). Besoek op 22 Mei 2019.

Eksterne skakels[wysig | wysig bron]

Ontsluit van "https://af.wikipedia.org/w/index.php?title=Odd_Arne_Westad&oldid=2446327"