Omid

in Wikipedia, die vrye ensiklopedie
Spring na: navigasie, soek
Omid

Omid (Farsi: امید, "hoop") was die eerste Irans-vervaardigde satelliet wat volgens Iran se uitsaaikorporasie op 2 Februarie 2009 deur die Iranse ruimteagentskap ISA geloods is. Omid is 'n dataverwerkende satelliet wat vir navorsingsdoeleindes en telekommunikasie gebruik word.

Die satelliet is deur 'n Irans-vervaardigde Safir 2-draervuurpyl na 'n lae wentelbaan om die Aarde geneem en vrygestel. Die loodsing van Omid het saamgeval met die 30ste verjaardsdag van die Iranse Rewolusie en het onder die toesig van die Iranse president Mahmoud Ahmadinejad plaasgevind. Die Amerikaanse ruimteagentskap NASA het die suksesvolle loodsing van Omid op die volgende dag bevestig. Sy satelliet-katalogusnommer of USSPACECOM-voorwerpnommer is 33506.