Orlando di Lasso

in Wikipedia, die vrye ensiklopedie
Spring na: navigasie, soek
Orlando di Lasso
Orlando di Lasso.jpg
Geboortenaam Orlande de lassus
Alias Roland de Lassus
Geboorte 1532
Mons, Hainaut
Afsterwe 14 Junie 1594
München, Beiere
Beroep(e) Komponis
Genre(s) Hoog-Renaissance
Portal.svg Musiekportaal

Orlando di Lasso (* 1532 in Mons, Hainaut, Boergondiese Nederlande; † 14 Junie 1594 in München, Hertogdom Beiere), soms ook Orlande of Roland de Lassus; Latyns Rolandus Lassus (Orlando het briewe en dokumente self in 'n mengvorm van hierdie naamvariante onderteken) was een van die beduidendste komponiste van die Hoog-Renaissance.

Orlando di Lasso het reeds in sy kinderjare as koorseun in aanraking met musiek gekom. In 1545 het hy Ferrante Gonzaga na Italië gevolg waar hy hom met die wêreldlike musiek van adellike kringe vertroud gemaak het. Nadat hy enkele jare lank as reisende kunstenaar werksaam was, het hy in 1551 in Rome aangekom waar hy twee jaar later as kapelmeester van die San Giovanni in Laterano-kerk aangestel is.

In 1555 het hy Rome weer verlaat en het ná 'n kort verblyf in Antwerpen in 1556 'n lid van die hertoglike hofkapel in München geword. Vanaf 1562 het hy as kapelmeester gefungeer, 'n amp wat hy tot sy afsterwe beklee het. In 1570 is hy deur keiser Maximiliaan II geadel. Orlando di Lasso is in 1594 in München oorlede.

Di Lasso se musikale nalatenskap van ongeveer 2 000 komposisies sluit geestelike werke (soos misse en passiemusiek) asook wêreldlike musiek (soos madrigale, Duitse en Franse liedere) in wat meestal in 'n polifoniese styl geskryf is. Di Lasso het hierdie styl tot volmaaktheid gebring en van die Münchense hofkapel een van die beduidendste orkeste in Europa gemaak.

Eksterne skakels[wysig]