Penisillien

Penisillien is een van die belangrikste groepe antibiotikums. Dit is die eerste groep antibiotikums wat ontdek is deur Alexander Fleming in 1928 en was die eerste middel wat gewerk het teen Staphylococcus infeksies en sifillis.

Penisillien val in die beta-laktam groep van antibiotikums en val die selwand aan van bakteriëe, maar veral Gram-positiewe bakteriëe. Penisillien word in vandag se tyd min gebruik as gevolg van die hoë vlakke weerstand teen die antibiotika. Weerstand teen penisillien in bakteriëe word verkry deur die ekspressie van 'n ensiem, beta-laktimase, deur die bakteriëe wat dan die antibiotikum afbreek. Hierdie antibiotikum word grootliks vervang met ampisillien.