Penlop van Trongsa

Penlop van Trongsa (Dzongkha: ཀྲོང་གསར་དཔོན་སློབ་, Wylie: Krong-gsar dpon-slob),^[1] ook genoem penlop van Chötse (Dzongkha: ཆོས་རྩེ་དཔོན་སློབ་, Wylie: Chos-rtse dpon-slob),^[2] is ’n Bhoetanese titel wat gewoonlik gaan aan die land se kroonprins. Die mees onlangse titelhouer is koning Jigme Khesar Namgyel Wangchuck – hy het dit gekry toe hy die kroonprins was. Hoewel die huidige regmatige troonopvolger sy seun, Jigme Namgyel Wangchuck, is, word die titel gehou vir die amptelik aangewese opvolger, wat deur die koning (of Druk Gyalpo, "Draakkoning") verander kan word. Die regerende Druk Gyalpo kan ook die titel behou of dit ná sy kroning aan ’n ander persoon gee.

Penlop is ’n titel wat min of meer ooreenstem met "provinsiale goewerneur" of "hertog". Die Huis van Wangchuck het die titel penlop van Trongsa gehad voordat die land ’n monargie geword het. Daar was oorspronklik penlops vir elk van die land se nege provinsies, maar hulle is onder die 12de penlop van Trongsa, Ugyen Wangchuck, gekonsolideer toe hy in 1907 die eerste koning van Bhoetan word.^[2]

Verwysings[wysig | wysig bron]

↑ Rennie, Frank; Mason, Robin (2008). Bhutan: Ways of Knowing. IAP. p. 176. ISBN 1-59311-734-5. Besoek op 10 Augustus 2011.
↑ ^2,0 ^2,1 Dorji Wangdi (2004). "A Historical Background of the Chhoetse Penlop" (PDF). Thimphu: Cabinet Secretariat. Besoek op 20 Februarie 2011.

Eksterne skakels[wysig | wysig bron]

Bhoetan se koninklike familie
Hierdie artikel is vertaal uit die Engelse Wikipedia

[BWK-1] Rennie, Frank; Mason, Robin (2008). Bhutan: Ways of Knowing. IAP. p. 176. ISBN 1-59311-734-5. Besoek op 10 Augustus 2011.

[Wangdi-2] 2,0 ^2,1 Dorji Wangdi (2004). "A Historical Background of the Chhoetse Penlop" (PDF). Thimphu: Cabinet Secretariat. Besoek op 20 Februarie 2011.

[1]

[2]