Poligamie

in Wikipedia, die vrye ensiklopedie
Spring na: navigasie, soek
Toba-stamhoof met sy vroue, 1892.
Ngungunhane (1850-1906), of Gungunhana, met sy sewe vroue.

Poligamie (πολυ (poly) = veel; γαμος (gamos) = huwelik)) is 'n huwelik van 'n man met meer as een vrou tegelyk of omgekeerd. In teenstelling met poligamie is monogamie 'n huwelik met een huweliksmaat. Bigamie verwys na poligamie met twee huweliksmaats.

Verskeie vorme van poligamie kom voor:

  • poliginie of veelwywery - een man met verskeie vroue;
  • poliandrie - een vrou met meer as een man;
  • groep troues - is 'n kombinasie van poliginie en poliandrie waar al die lede van die familie vir al die kinders verantwoordelik is.

Die oudste voorbeeld hiervan is in die Ou Testament, waar daar in I Konings 11 : 1 – 4 na Salomo se baie vroue verwys word. Dit moet in die lig gesien word van Salomo se pa, Dawid, wat sy lewe lang oorlog gevoer het, en dat daar waarskynlik 'n tekort aan mans na die oorlog was.

Lande waar poligamie algemeen toegelaat word (2006)

Hoewel poligamie in sommige Afrika- en Islamitiese lande wettig is, is dit in meeste westerse lande teen die wet. In Nederland, as voorbeeld, kan gevangenisstraf van tot 4 jaar vir die misdryf opgelê word (6 jaar as die wederhelf nie daarvan ingelig is nie).

Suid-Afrika[wysig]

Volgens die Wet op Erkenning van Gebruiklike Huwelike van 1998 is poligamie in Suid-Afrika wettig. 'n Bekende voorbeeld van poligamie is president Jacob Zuma, wat 5 vroue het.[1] Dit plaas 'n groot las op belastingbetalers wat vir al hierdie eerste dames moet betaal.

Swaziland[wysig]

Die koning van Swaziland (Koning Mswati III) het 14 vroue. Die meeste van hulle was minderjarig toe hy met hulle getroud is.[2]

Verwysings[wysig]