RER (Réseau Express Régional)
 | Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Die Réseau Express Régional (RER) is letterlik 'n regionale ekspresnetwerk. Die woord word gebruik vir die regionale vervoerstelsel wat die middestand van Parys met die voorstede verbind en is een deel van die openbare vervoerdienste wat deur die Paryse vervoermaatskappy RATP (Régie Autonome des Transports Parisiens) verskaf word. Omdat die Paryse Metro (moltrein) nie ver in die voorstede deurdring en die voorstadtreine op stasies net buite die middestand eindig, was dit nodig om 'n vinnigere vervoermiddel vanuit die stadsentrum na die voorstede te ontwikkel. Die voorstadstreine van die Paryse RER beskik oor vyf lyne wat tussen 5:30 en 0:30 uur ry. In die stad fungeer die RER as 'n snelmetro: die afstande tussen die stasies is veel groter as by 'n regulêre moltrein. Die tonnels van die RER lê dieper as die tonnels van die moltrein. In 2006 het die RER 451 miljoen passasiers op die RER RATP netwerk vervoer.