Rasmus Seebach

in Wikipedia, die vrye ensiklopedie
Spring na: navigasie, soek
Rasmus Seebach
Rasmus Seebach.jpg
Seebach tydens 'n optrede by die Vig-fees 2010.
Geboortenaam Rasmus Seebach
Geboorte 28 Maart 1980
Frederiksberg, Kopenhagen (Denemarke)
Beroep(e) Sanger, liedjieskrywer, musiekvervaardiger
Genre(s) Pop
Instrument(e) Sang, klavier, klawerbord
Uitgewer(s) ArtPeople
Webwerf rasmusseebach.dk
Portal.svg Musiekportaal

Rasmus Seebach (gebore 28 Maart 1980 in Frederiksberg) is 'n Deense sanger, liedjieskrywer en musiekvervaardiger. Hy debuteer met die treffer Engel in April 2009, nadat hy vir meer as tien jaar lank liedjieskrywer vir ander kunstenaars was. In September verskyn sy selfbetitelde debuutalbum, wat 'n groot sukses was en oor die 200 000 eksemplare verkoop is, en die rekord hou vir die meeste weke op die treffersparade. Die uitgee van sy tweede album Mer' end kærlighed in Oktober 2011 was die vinnigste blitsverkoper in die geskiedenis, met meer as 42 000 eksemplare wat in een week verkoop is.

Rasmus Seebach se musiek is uitgegee in Swede, Noorweë en Duitsland, waar hy veral sukses in Swede onder die Top 5 met Natteravn (Afrikaans: "Nagraaf") losgeslaan het. As liedjieskrywer het hy en sy ouer broer Nicolai ook groot sukses behaal met die ondersteuningsliedjie Hvor små vi er (Afrikaans: "Hoe klein is ons") (2005) vir die slagoffers van die 2004-tsunamiramp. Dit het 13x platinumstatus bereik.

Rasmus Seebach se sukses is al toegeskryf aan die liedjies se eenvoudige, banale lirieke oor "liefde en stadstoere, wat in sy lirieke dikwels praat- of SMS-taal besig" en "dat sy lewensverhaal die bestanddele het van 'n meer geharde Deense pop-verhaal", met verwysing dat Rasmus Seebach die seun is van die gewilde Deense sanger, Tommy Seebach, wat in 2003 gesterf het.[1][2]

Lewensgeskiedenis en loopbaan[wysig]

Opvoeding en vroeë loopbaan (1980 - 2008)[wysig]

Rasmus Seebach is gebore op 28 Maart 1980 in Frederiksberg te Kopenhagen, as seun van Karen Sommer en die sanger Tommy Seebach.[3] Rasmus Seebach het ook 'n jonger suster, Marie, en ouer broer, Nicolai. Sy pa het in 2003 op die ouderdom van 53 jaar aan 'n hartaanval gesterf.[4] In die liedjie "Den jer er" (Afrikaans: "Wie ek is") van 2009, vergewe Rasmus Seebach sy pa vir sy alkoholiese leefstyl met die woorde:

"Lov mig du må ikke sige undskyld, for du har gjort mig til den jeg er".
"Belowe my jy sal nie jammer sê nie, want jy het my gemaak wie ek is."

Rasmus Seebach sou 'n professionele sokkerspeler geword het. Maar die musiek het die sokker gewen. [5]

Rasmus Seebach begin op 'n vroeë ouderdom in musiek belangstel. Sy pa se ateljee was naby Rasmus se slaapkamer, wat beteken dat hy in sy eie woorde "gedwing was om na die musiek te luister" en dat hy onbewustelik deur sy pa se musiek geïnspireer was.[6] Hoewel hy met popmusiek grootgeword het, was Rasmus as tiener geïnteresseerd in kletsrym en hip-hopmusiek, op grond van "die nogal lekker, sterk houding en "edge" " van die genre. Saam met sy ouer broer, Nicolai, stig hulle die kletsrymgroep, G-Bach, en in 1999 reik hulle 'n hip-hop-album, "Skakmat" (Afrikaans:"Skaakmat") uit.[7]

Sedert die laat-1990's skryf en vervaardig Seebach saam met sy broer liedjies vir sowel Deense as buitelandse kunstenaars.[6] Sedert 2000 bedryf hulle die produksiemaatskappy Top Notch Music, en het onder andere saamgewerk met Jokeren, Natasja, B-Boys, Nicolai Kielstrup, David Bisbal en Big Brovaz. In 2005 skryf hulle die musiek vir die welwillende liedjie, "Hvor små vi er", ten bate van die slagoffers van die tsunami in die Indiese Oseaan.[6]

Rasmus Seebach was verder betrokke in die rolprent Carmen & Babyface van 1995, waar hy Adrian (Babyface) speel.

Deurbraak as sanger (2009 - nou)[wysig]

Rasmus Seebach tydens 'n optrede in Augustus 2010.

Aanvanklik was Rasmus slegs 'n liedjieskrywer vir ander kunstenaars en het geglo dat dit die beste is om nie op die voorgrond te wees nie. Dit verander egter toe hy die liedjie "Engel" geskryf het en Seebach gevoel het dit is sy roeping om 'n sanger te word. Hy was ook bang dat hy later in sy lewe sou spyt wees dat hy nie 'n sangloopbaan nagevolg het nie, "Ek was toe amper 29 jaar op daardie tydstip, en toe dink ek: 'Okei, dit moet nie net by nou bly nie.' Ek glo dit sou my regtig erg gepla het as ek as 35-jarige sou sit en vra waarom ek nie self liedjies gesing het nie." [8]"Engel" is vrygestel as Seebach se debuutenkelsnit in die somer van 2009 en word mettertyd 'n groot treffer. Volgens Thomas Søie Hansen van die Deense dagblad Berlingske Tidende verteenwoordig die liedjie "die bakermat van 'n nuwe era in die Deense popmusiek".[1] Daarna het die debuutalbum Rasmus Seebach op 28 September 2009 gevolg.[9]

By die Zulu-toekennings 2010 wen Seebach drie pryse in die kategorieë "Nuwe Deense Naam van die Jaar", "Deense Sanger van die Jaar" en "Deense treffer van die Jaar" (vir "Engel").[10] Daardie selfde jaar wen hy ook die prys van die "Deense Manlike Kunstenaar van die Jaar" by die Deense Musiektoekennings.

Op 27 Mei 2011 word die liedjie "Engel" in die Engelse weergawe getiteld "Angel" in Duitsland vrygestel.[11] In Septembermaand word "Natteravn" in die Engelse weergawe "Calling (Nighthawk)" vrygestel. Hierdie enkelsnit verkry 'n beskeie posisie op nommer 90 van die Duitse trefferparade. Daar is beplan om 'n Engelse weergawe van Rasmus Seebach se debuutalbum vry te stel in November 2011, maar die album is nooit uitgebring nie.[12][13]

Rasmus stel sy tweede ateljee-album Mer' end kærlighed, wat bestaan uit 12 liefdesliedjies, op 17 Oktober 2011 vry. "I mine øjne" (Afrikaans: In my oë) is vrygestel as die eerste enkelsnit op 22 Augustus, en volgens die platemaatskappy is dit "'n liedjie wat deur Rasmus se ma geïnspireer is, en dit handel oor mense wat baie vir hom beteken".[14] Hierdie enkelsnit skitter onmiddellik nommer een op die enkelsnit-, stroom- en AirPlay-lyste en die lied word meer as 15 000 keer binne één week afgelaai.[15] Die snit bereik teen middel-Desember dubbelplatinumstatus vir 60 000 aflaaie, en is dus Seebach se grootste treffer tot op hede.[16] Die album ontvang oorwegend positiewe resensies[17] en gaan reguit na # 1 op die trefferparade met 42 089 verkope in die eerste week.[18] Dit maak Rasmus Seebach die kunstenaar wie se musiek die vinnigste in Deense geskiedenis verkoop.[19] Die album was die beste verkoper in 2011 in Denemarke.[20] Aan die begin van Januarie 2012 word Mer' end kærlighed sewe keer platinumstatus gesertifiseer vir 140 000 verkoopte kopieë.[21] Die album het tot op hede meer as 200 000 eksemplare verkoop.[22]

Rasmus Seebach het saamgewerk aan die Amerikaanse sanger Lionel Richie se nuwe album, "Tuskegee", wat op 5 Maart 2012 uitgegee word.[23] Die album bevat herskeppings van Richie se grootste treffers in duet met bekende countrymusiek-sangers soos Shania Twain, Jennifer Nettles, Kenny Rogers en Willie Nelson. In Januarie word Seebach se duet saam met Lionel Richie se "Say You, Say Me" in Los Angeles opgeneem. Richie was so begeestered oor die samewerking dat die lied in die meeste wêrelddele in die internasionale weergawe van die album vrygestel sal word.[24]

Seebach het ook meegewerk in die kinderreeks Ramasjangskolen, wat dikwels op DR Ramasjang vertoon word.

Pryse[wysig]

Deense Musiektoekennings vir 2012:

  • 'Deense liedjieskrywer van die jaar' (saam met Nicolai Seebach en Lars Ankerstjerne vir "Mer’ End Kærlighed"
  • 'Deense manlike kunstenaar van die jaar'
  • 'Deense Popuitgawe van die jaar' vir "Mer' end kærlighed"
  • 'Publiekprys van die jaar'

Met die vier toekennings was Rasmus Seebach die suksesvolste kunstenaar.

Diskografie[wysig]

Album[wysig]

Jaar Album Hoogste plasing Sertifisering
Nuvola Danish flag.svgHitlisten
[25]
Nuvola Norwegian flag.svgVG-lista
[26]
Nuvola Swedish flag.svgSverigetopplistan
[27]
2009 Rasmus Seebach 1 10
2011 Mer' end kærlighed 1 19
  • DEN: 10× Platinum[21]
"—" dui op 'n vrystelling wat nie 'n ranglysposisie bereik het nie.

Enkelsnitte[wysig]

Deens[wysig]

Jaar Enkelsnit Hoogste plasing Sertifisering Album
Nuvola Danish flag.svgHitlisten
[25]
Nuvola Norwegian flag.svgVG-lista
[26]
Nuvola Swedish flag.svgSverigetopplistan
[27]
2009 "Engel" 1 12 Rasmus Seebach
"Glad igen" 2
2010 "Lidt i fem" 3
  • DEN: 2× Platinum[32]
"Natteravn" 14 5 4
2011 "I mine øjne" 1
  • DEN: 2× Platinum[16]
Mer' end kærlighed
"Millionær" (met Ankerstjerne) 2
2012 "Falder" 18
"—" dui op 'n vrystelling wat nie 'n ranglysposisie bereik het nie.

Engels[wysig]

Jaar Enkelsnit Hoogste plasing
Nuvola German flag.svg
[37]
2011 "Angel"
"Calling (Nighthawk)" 90
"—" dui op 'n vrystelling wat nie 'n ranglysposisie bereik het nie.
met bykomende kunstenaar
Jaar Enkelsnit Hoogste plasing Sertifisering Album
Nuvola Danish flag.svg
[25]
2012 "Say You, Say Me"
(Lionel Richie en Rasmus Seebach)
3 Tuskegee
"1000 år"
(Ankerstjerne met Rasmus Seebach as bykomende kunstenaar)
11
  • Goud (regstreeks)[39]
Ankerstjerne

Verwysings[wysig]

  1. 1,0 1,1 Hansen, Thomas Søie (13 Oktober 2011). “Rasmus er rykket nærmere sin far”. Berlingske Tidende. URL besoek op 26 Januarie 2012.
  2. Andersen, Olav Skaaning (27 Desember 2011). “Rasmus Seebach er en solstrålehistorie”. B.T.. URL besoek op 27 Desember 2011.
  3. Enggaard, Michael (13 November 2010). “Balkongebisset”. Jyllands-Posten. URL besoek op 24 Augustus 2011.
  4. Jakob Lundsteen, Lea Meilandt Mathiesen (22. november 2009). “Interview: Lidt af en drøm”. B.T..
  5. Borgkilde, John (6 Februarie 2010). “Rasmus Seebach i fuld fart frem”. Fyens Stiftstidende. URL besoek op 24 Augustus 2011.
  6. 6,0 6,1 6,2 Hjortskov, Anders (10. oktober 2009). “Rasmus Seebach - Fra sangskriver til solist”. Gaffa. URL besoek op 24 Augustus 2011.
  7. Pedersen, Mark Dalhoum (1999). “G Bach: Skakmat (Anmeldelse)”. Gaffa. URL besoek op 12 Februarie 2010.
  8. ritzau (24. august 2011). “Rasmus Seebach klar med ny single”. Ekstra Bladet. URL besoek op 23 Augustus 2011.
  9. Fogde, John (21. august 2009). “Rasmus Seebach på vej med debut”. Gaffa. URL besoek op 12 Februarie 2010.
  10. Sørensen, Sola Kruchov (10 Februarie 2010). “Rasmus ryddede bulen – løb med tre Zulu Awards”. Gaffa. URL besoek op 12 Februarie 2010.
  11. Rasmus Seebach - Detail - Angel (2-Track): Seebach, Rasmus - (CD Single) - Universal Music”. Universal Music Entertainment GmbH. URL besoek op 29 Mei 2011.
  12. Nygaard, Kristian (27. august 2011). “Tyskland satser på Rasmus Seebach”. B.T.. URL besoek op 3 September 2011.
  13. Rasmus Seebach: Rasmus Seebach: Amazon.de: Musik”. Amazon.de. URL besoek op 23 Februarie 2012.
  14. Beck, Anders Malling (15. august 2011). “Rasmus Seebach klar med ny single”. Ekstra Bladet. URL besoek op 15 Augustus 2011.
  15. Høeg, Henning) (3. september 2011). “Rasmus Seebach er på toppen”. B.T.. URL besoek op 3 September 2011.
  16. 16,0 16,1 Certificeringer | ifpi.dk”. IFPI Danmark. URL besoek op 19 Desember 2011.
  17. Lundsteen, Caroline Thing (17 Oktober 2011). “Anmelderne: Seebach lever op til orventninger”. DR. URL besoek op 29 Oktober 2011.
  18. Treo, Thomas (28. oktober 2011). “Seebach smadrer Aqua og Medina”. Ekstra Bladet. URL besoek op 29 Oktober 2011.
  19. Grøn, Tommy (28 Oktober 2011). “Rasmus Seebach er den hurtigst sælgende kunstner nogensinde”. Politiken. URL besoek op 28 Oktober 2011.
  20. Album Top-100”. Hitlisten. IFPI Danmark & Nielsen Music. URL besoek op 23 Januarie 2012.
  21. 21,0 21,1 Certificeringer”. IFPI Danmark. URL besoek op 1 Desember 2012.
  22. Lisa Amtoft Jensen (2012). “Seebach sælger 10 x platin for anden gang”. Gaffa. URL besoek op 07 November 2012.
  23. Buch, David (22 Februarie 2012). “VIDEO: Seebach synger duet med Lionel Richie”. TV 2. URL besoek op 23 Februarie 2012.
  24. Lundbech, Sine (23 Februarie 2012). “Lionel Richie og Seebach-duet udkommer verden over”. Gaffa. URL besoek op 23 Februarie 2012.
  25. 25,0 25,1 25,2 danishcharts.com - Discography Rasmus Seebach”. Hitlisten. Hung Medien. URL besoek op 6 Augustus 2011.
  26. 26,0 26,1 norwegiancharts.com - Discography Rasmus Seebach”. VG-lista. Hung Medien. URL besoek op 6 Augustus 2011.
  27. 27,0 27,1 swedishcharts.com - Discography Rasmus Seebach”. Sverigetopplistan. Hung Medien. URL besoek op 6 Augustus 2011.
  28. Certificeringer”. IFPI Danmark. URL besoek op 12 Desember 2011.
  29. Guld Platina Cert 2011”. IFPI Svenska Gruppen. URL besoek op 9 November 2012.
  30. Track Top-40”. Hitlisten. IFPI Danmark & Nielsen Music Control: 6 November 2009. URL besoek op 6 Augustus 2011.
  31. Track Top-40”. Hitlisten. IFPI Danmark & Nielsen Music Control: 19 Maart 2010. URL besoek op 6 Augustus 2011.
  32. Certificeringer”. IFPI Danmark. URL besoek op 9 Augustus 2012.
  33. Certificeringer | ifpi.dk”. IFPI Danmark. URL besoek op 6 Augustus 2011.
  34. Veckolista Singlar - Vecka 4, 28 januarie 2011”. Sverigetopplistan. GLF/Nielsen SoundScan. URL besoek op 6 Augustus 2011.
  35. Certificeringer | ifpi.dk”. IFPI Danmark. URL besoek op 29 Junie 2012.
  36. Certificeringer”. IFPI Danmark. URL besoek op 29 November 2012.
  37. Musicline.de - Chartverfolgung / Seebach,Rasmus / Single (in German)”. Media Control Charts. PhonoNet GmbH. URL besoek op 14 Oktober 2011.
  38. Certificeringer”. IFPI Danmark. URL besoek op 25 April 2012.
  39. Certificeringer”. IFPI Danmark. URL besoek op 2 November 2012.

Eksterne skakels[wysig]

Commons-logo.svg
Wikimedia Commons het meer media verwant aan:
Rasmus Seebach (kategorie)