Rooi Kruis

in Wikipedia, die vrye ensiklopedie
Spring na: navigasie, soek
Verspreiding van onderafdelings van die Rooi Kruis: ██ Lande met die Rooi Kruis ██ Lande met die Rooi Halfmaan ██ Lande met die Rooi Kristal - Israel, Magen David Adom, saam met die Rooi Davidster ██ Lande met die Rooi Leeu met Son - vroeër in die Iran

Die Rooi Kruis is 'n wêreldwye hulpverleningsorganisasie waarvan die werking op sewe basisbeginsels gegrond is: mensliewendheid, neutraliteit, onpartydigheid, onafhanklikheid, vrywilligheid, eenheid en algemeenheid (ook universaliteit genoem). Hierdie beginsels vorm die grondslag vir alles wat die Rooi Kruis doen en word weerspieël in alle aksies van die vrywilligers van die Rooi Kruis. Die Rooi Kruis is met ongeveer 97 miljoen vrywilligers in 186 lande die grootste humanitêre organisasie ter wêreld.

Organisasie[wysig]

Parade van vrywilligers in Rome.

Die Internasionale Rooi-kruisbeweging bestaan uit drie afdelings:

  • Nasionale Rooi-Kruis- en Rooi-Halwe-Maanverenigings (slegs een per land)
  • Internasionale Komitee van die Rooi Kruis (ICRC)
  • Internasionale Federasie van Rooi-Kruis- en Rooi-Halwe-Maanverenigings (IFRC)

Binne elke land kan een nasionale Rooi-Kuis- of Rooi-Halwe-Maanvereniging gestig word. Hierdie vereniging vervul humanitêre take.

In Suid-Afrika[wysig]

In 1896 is die eerste Rooi Kruis-vereniging in die Zuid-Afrikaansche Republiek (die ou Transvaal) gestig. President Paul Kruger was die voorsitter. Die daaropvolgende jaar word die Rooi Kruis in die Vrystaatse Republiek op die been gebring. Die Kaapkolonie en Natal het takke van die Britse Rooi Kruis gehad. Al vier is egter in 1913 in die Suid-Afrikaanse Rooi Kruis verenig.

Embleme[wysig]

Eksterne skakels[wysig]

Commons-logo.svg
Wikimedia Commons het meer media verwant aan:
Rooi Kruis (kategorie)