Rumelihisarı

in Wikipedia, die vrye ensiklopedie
Spring na: navigasie, soek
Die Fort van Europa, soos gesien vanaf die Bosporus.
Die Rumelihisarı met die Fatih Sultan Mehmet-brug op die agtergrond.

Die Rumelihisarı, Kasteel van Roemelië of Fort van Europa is ’n fort in die Sarıyer-dsitrik in Istanboel, Turkye, op ’n heuwel aan die Europese kant van die Bosporus. Dit is tussen 1451 en 1452 deur die Ottomaanse sultan Mehmet II laat bou voordat hy Konstantinopel verower het.[1] Die drie groot torings is genoem na drie van Mehmet se visiere: Çandarlı Halil Pasha, wat die groot toring langs die poort gebou het, Zağanos Pasha, wat die suidelike toring gebou het, en Sarıca Pasha, wat die noordelike toring gebou het.

Beskrywing[wysig]

Rumelihisarı is aan die nouste deel van die Bosporus geleë, regoor Anadoluhisarı aan die Asiatiese kant, nog ’n fort wat tussen 1393 en 1394 deur sultan Bajezid I laat bou is. Die doel van die forte was om te keer dat hulp van die Swartsee Konstantinopel bereik tydens die stad se beleg deur die Ottomane.

Die fort het een klein toring, drie hooftorings en 13 klein wagtorings op die muur wat die hooftorings verbind.

Vandag[wysig]

In 1955, in opdrag van president Celal Bayar, is restourasiewerk begin wat tot 29 Mei 1958 geduur het. Sedert 1960 is dit ’n museum en opelugteater vir konserte in die somer.

Sien ook[wysig]

Verwysings[wysig]

  1. Bosphorus (i.e. Bosporus), View from Kuleli, Constantinople, Turkey”. 1890-1900. URL besoek op 2013-10-20.
Hierdie artikel is merendeels vertaal vanaf die Engelse Wikipedia-artikel [1]

Eksterne skakels[wysig]

Commons-logo.svg
Wikimedia Commons het meer media verwant aan:
Rumelihisarı (kategorie)