Bajezid I

in Wikipedia, die vrye ensiklopedie
Spring na: navigasie, soek
Bajezid I
Sultan van die Ottomaanse Ryk
I Bayezit small.jpg
Volle naam Sultan Bajezid I Yıldırım
Ottomaanse naam بايزيد اول
Tydperk 1389–1402
Stadium Opgang van die Ottomaanse Ryk
Huis Osman
Voorganger Murat I
Opvolger Tussenregering
Toegra Tughra of Bayezid I.JPG

Bajezid I (Ottomaanse Turks: بايزيد اول, moderne Turks: I.Bayezid, Serwies: Бајазит; 1360 – 8 Maart 1403), ook genoem die Weerligstraal, was van 1389 tot 1402 sultan van die Ottomaanse Ryk. Hy was die seun van Murat I[1][2] en het hom opgevolg nadat hy in 1389 in die Slag van Kosowo dood is.

Met die Turkse oorwinning in dié slag het Serwië ’n afhanklike staat van die Ottomaanse Ryk geword. ’n Jaar later is Bajezid getroud met prinses Olivera Despina, die dogter van Lazar van Serwië, wat ook in die slag dood is.

Bisantynse beleg[wysig]

In 1394 het Bajezid Konstantinopel, die hoofstad van die Bisantynse Ryk, beleër.[3] Die Anadoluhisarı-fort (Fort van Asië) is tussen 1393 en 1394 gebou as deel van die voorbereiding vir die tweede beleg van Konstantinopel deur die Turke in 1395. Op aandrang van die Bisantynse keiser Johannes V Paleologus is ’n nuwe kruistog gereël om hom te verslaan. Dit het egter nie geslaag nie; in 1396 is hulle verslaan.

Die beleg van Konstantinopel het daarna voortgeduur, tot in 1401. Daarna het die Bisantyne ’n blaaskans gekry toe Bajezid teen die Timoeriede in die ooste geveg het.

Timoer en die Slag van Ankara[wysig]

Bajezid in aanhouding, Stanisław Chlebowski (1878).

In 1400 het die Sentraal-Asiatiese krygsheer Timoer Lenk die afhanklike state van die Ottomaanse Ryk opgesteek in ’n aanval teen Bajezid.

In die Slag van Ankara op 20 Julie 1402 het Timoer vir Bajezid gevange geneem. Sy seuns het egter ontsnap en sou later ’n burgeroorlog begin. Volgens sekere moderne bronne het Timur Bajezid in ’n goue hok in kettings aangehou as ’n trofee.

’n Jaar later het Bajezid selfmoord gepleeg – óf deur sy kop teen die tralies van sy hok te stamp óf deur gif te drink wat in sy ring versteek was.

Verwysings[wysig]

  1. Lowry, Heath W., The Nature of the Early Ottoman State, 2003 SUNY Press, bl. 153
  2. Runciman, Steven, The Fall of Constantinople, Cambridge University Press, bl. 36
  3. Mango, Cyril. The Oxford History of Byzantium. 1ste uitg. New York: Oxford UP, 2002. bl. 273-4
  • Goodwin, Jason, Lords of the Horizons

Eksterne skakels[wysig]


Crystal txt.png
Hierdie artikel is vertaal vanuit die Engelse Wikipedia
Ottomaanse sultans volgens tydperk
Opgang (1299–1453)   Osman IOrhanMurat IBajezid I • (Tussenregering) • Mehmet IMurat IIMehmet II
Groei (1453–1683)   Bajezid IISelim ISüleyman die ManjifiekeSelim IIMurat IIIMehmet IIIAhmet IMustafa IOsman IIMurat IVIbrahimMehmet IV
Stagnasie (1683–1827)   Süleyman IIAhmet IIMustafa IIAhmet IIIMahmoed IOsman IIIMustafa IIIAbdülhamid ISelim IIIMustafa IVMahmoed II
Verval (1828–1908)   Abdülmecid IAbdülazizMurat VAbdülhamid II
Ondergang (1908–1923)   Mehmet VMehmet VIAbdülmecid II