SV Blouwit Berlyn

in Wikipedia, die vrye ensiklopedie
Spring na: navigasie, soek
SV Blouwit Berlyn
SV Blauweiss.jpg
Volledige naam SV Blau-Weiß Berlin e.V.
Bynaam
Stigtingsdatum 2 November 1890
Tuisveld Sportplatz an der Rathausstrasse,
Berlyn
Kapasiteit 3 000
Kompetisie Landesliga Berlyn

SV Blouwit Berlyn is ‘n sportklub uit die Tempelhof-distrik van Berlyn, die hoofstad van Duitsland, veral bekend vir sy sokkerafdeling. Behalwe sokker, het die klub ook ‘n afdeling vir handbal.


Geskiedenis[wysig]

Die klub se oudste voorganger was Berliner FC Vorwärts 1890, wat op 2 November 1890 gestig is. Die klub was ‘n stigterslid van die Duitse sokkerbond in Leipzig in 1900. Vorwärts het die Berlynse kampioenskap in 1902, 1903 en 1921 gewen. Die klub het ook sy grootste sukses in 1921 behaal toe dit die eindstryd om die Duitse kampioenskap gehaal het, waar daar met 0-5 teen 1. FC Neurenberg verloor is. Die klub het in dieselfde jaar 4 lede vir die Duitse nasionale sokkerspan gelewer.

Die ander voorganger was Berliner Thor- und Fussball Club Union 1892 (BTuFC Union), wat op 8 Junie 1892 gestig is. Hierdie klub was ook ‘n stigterslid van die Duitse sokkerbond in Leipzig in 1900 en het in 1905 die Duitse kampioen geword deur Karlsruher FV met 2-0 in die eindstryd te verslaan.

Die twee klubs het op 27 Junie 1927 saamgesmelt om Sportlichen Vereinigung Blau-Weiß 1890 Berlin te vorm. In 1928 het Arminia 1906 Berlyn by die klub aangesluit. Na die herorganisering van Duitse sokker in die Derde Ryk in 1933, het die klub in die Gauliga Berlyn-Brandenburg meegeding. Blau-Weiss het die liga 2 keer gewen en in 1942 derde geëindig in die uitspeelwedstryde om die nasionale titel. Na die Tweede Wêreldoorlog is die klub deur die Geallieerdes ontbind, maar later weer saam met Mariendorfer Ballspiel Club 1906 en Sportclub Krampe 1926 herstig as SG Mariendorf. Hierdie klub het in 1949 weer in die oorspronklike 3 klubs verdeel: SpVgg Blau-Weiss 90 Berlin, SC Krampe Berlyn en SC Mariendorf. Laasgenoemde twee klubs het in 1985 saamgesmelt as die huidige SV Mariendorf.

Blau-Weiss het in 1950 die Oberliga Berlyn op die hoogste vlak gehaal, maar het in 1963, met die stigting van die Bundesliga, in die Regionalliga Berlyn op die tweede vlak gespeel. In 1973 het die klub onsuksesvol aan die uitspeelwedstryde om promosie na die Bundesliga deelgeneem. Na 1974 het die klub in die derde en vierde ligas meegeding, maar in 1984 het die klub die derde liga gewen en is na ‘n reeks uitspeelwedstryde na die 2. Bundesliga gepromoveer. In 1986 het die klub sy grootste na-oorlogse prestasie gelewer deur tweede te eindig en verrassend na die Bundesliga te promoveer.

Die klub is egter na een seisoen gerelegeer en het hierna finansieel vinnig agteruitgegaan. In 1992 is die klub bankrot verklaar. Dit is onmiddellik herstig as SV Blouwit Berlyn, maar moes in die laagste stadsligas weer oor begin. Teen 1996 het die klub weer die Landesliga Berlyn gehaal op die sesde vlak, maar die klub is in 2006 weer na die Bezirksliga gerelegeer, waar die klub steeds vandag meeding (status: 2007).

Erelys[wysig]

Onlangse ligaposisionering[wysig]

  • 1963-64 (II) Regionalliga Berlyn 5de
  • 1964-65 (II) Regionalliga Berlyn 7de
  • 1965-66 (II) Regionalliga Berlyn 10de
  • 1966-67 (II) Regionalliga Berlyn 11de
  • 1967-68 (II) Regionalliga Berlyn 8ste
  • 1968-69 (II) Regionalliga Berlyn 10de
  • 1969-70 (II) Regionalliga Berlyn 4de
  • 1970-71 (II) Regionalliga Berlyn 3de
  • 1971-72 (II) Regionalliga Berlyn 3de
  • 1972-73 (II) Regionalliga Berlyn 1ste
  • 1973-74 (II) Regionalliga Berlyn 3de
  • 1974-75 (III) Amateurliga Berlyn 4de
  • 1975-76 (III) Amateurliga Berlyn 4de
  • 1976-77 (III) Amateurliga Berlyn 7de
  • 1977-78 (III) Amateurliga Berlyn 15de
  • 1978-79 (IV) Landesliga Berlyn 2de
  • 1979-80 (III) Am.Oberliga Berlyn 13de
  • 1980-81 (III) Am.Oberliga Berlyn 16de
  • 1981-82 (IV) Landesliga Berlyn 7de
  • 1982-83 (IV) Landesliga Berlyn 1ste
  • 1983-84 (III) Am.Oberliga Berlyn 1ste
  • 1984-85 (II) 2.Bundesliga 7de
  • 1985-86 (II) 2.Bundesliga 7de
  • 1986-87 (I) Bundesliga 18de
  • 1987-88 (II) 2.Bundesliga 7de
  • 1988-89 (II) 2.Bundesliga 8ste
  • 1989-90 (II) 2.Bundesliga 9de
  • 1990-91 (II) 2.Bundesliga 6de
  • 1991-92 (II) 2.Bundesliga-Noord 10de
bankrotskap
  • 1992-93 (X) Kreisliga C 1ste
  • 1993-94 (IX) Kreisliga B Stapel 1 1ste
  • 1994-95 (VIII) Kreisliga A Stapel 3 2de
  • 1995-96 (VII) Bezirksliga Stapel 2 1ste
  • 1996-97 (VI) Landesliga Berlyn-2 13de
  • 1997-98 (VI) Landesliga Berlyn 7de
  • 1998-99 (VI) Landesliga Berlyn 3de
  • 1999-00 (VI) Landesliga Berlyn-1 7de
  • 2000-01 (VI) Landesliga Berlyn-1 2de
  • 2001-02 (VI) Landesliga Berlyn-1 11de
  • 2002-03 (VI) Landesliga Berlyn-1 10de
  • 2003-04 (VI) Landesliga Berlyn-1 12de
  • 2004-05 (VI) Landesliga Berlyn-1 9de
  • 2005-06 (VI) Landesliga Berlyn-1 16de
  • 2006-07 (VII) Bezirksliga, Stapel 2 5de
  • 2007-08 (VII) Bezirksliga, Stapel 1

Eksterne skakels[wysig]