Sellafield

Calder Hall was die eerste kommersiële kernaanleg ter wêreld wat op 27 Augustus 1956 met die Britse kragnetwerk gekoppel en op 17 Oktober van dieselfde jaar deur koningin Elizabeth II amptelik ingewy is

'n Lugopname van Sellafield

Sellafield is 'n herprosesseringsaanleg vir kernbrandstof asook 'n vroeëre kernaanleg wat buite bedryf gestel en tans besig is om ontmantel te word. Dié proses sal eers sowat 100 jaar nadat Sellafield in 2003 buite bedryf gestel is afgehandel wees. Die aanlegte is naby Seascale geleë, 'n dorp aan die Ierse Seekus in Cumbria, Engeland.

Sellafield behels die oorspronklike Windscale-kernaanleg asook die nabygeleë Calder Hall-kernkragsentrale met vier reaktors. Dit was die wêreld se eerste kommersiële kernaanleg van industriële omvang wat elektrisiteit opgewek het. Die gekombineerde aanleg het tegelykertyd plutonium vir die Verenigde Koninkryk se kernwapenbedryf vervaardig asook radiokobalt wat vir die behandeling van kankerpasiënte benodig word.