Senoesret II

in Wikipedia, die vrye ensiklopedie
Spring na: navigasie, soek
Senoesret II
Sesostris
Senoesret II se piramide by el-Lahoen.
Senoesret II se piramide by el-Lahoen.
Farao van die 12de Dinastie
Periode 1897–1878 v.C.
Voorganger Amenemhat II
Opvolger Senoesret III
Vader Amenemhat II
Monumente Piramide by el-Lahoen
Senoesret II in Egiptiese hiërogliewe
Serech of Horusnaam
G5
s T32 N16
N16
Srxtail.jpg
Nebty-naam
G16
s N28
a
Y1
Aa11
a
t
H6
Goue Horus-naam
G8
R4 nTrw
Praenomen of troonnaam
M23
t
L2
t
Hiero Ca1.svg
ra N28 L1
Hiero Ca2.svg
Nomen of geboortenaam
G39 N5
 
Hiero Ca1.svg
wsr s r
X1
z
n
Hiero Ca2.svg

Chakeperre Senoesret II was die vierde farao van die 12de Dinastie van Antieke Egipte. Hy het van 1897 tot 1878 v.C. regeer en is ná sy dood in sy piramide by el-Lahoen begrawe.

Bewind[wysig]

Senoesret II het ’n groot belangstelling getoon in die Faijoem-oasestreek en het ’n uitgebreide besproeiingstelsel van Bahr Joesoef na die Moeris-meer aangelê deur ’n groot dyk by el-Lahoen en ’n netwerk kanale te bou. Die doel was om die gebied wat bewerk kon word, te vergroot.[1] Die belangrikheid van die projek word beklemtoon deur die feit dat Senoesret die koninklike dodeakker van Dahsjoer na el-Lahoen geskuif het, waar hy sy piramide gebou het. Dié gebied sou die politieke hoofstad bly tydens die 12de en die 13de Dinastie van Egipte. Hy het ook die eerste bekende werkerskwartier op die nabygeleë dorp Senoesrethotep (Kahoen) gebou.

Anders as sy voorgangers het Senoesret goeie verhoudinge gehad met sy nomarge (provinsiale goewerneurs), wat amper net so ryk soos hy was.[2] Sy sesde bewindsjaar word uitgebeeld in ’n muurskildering in die grafkelder van ’n plaaslike nomarg met die naam Chnoemhotep by Beni Hasan. Die akademikus Eugene H. Merrill het gemeen Senoesret II was dalk die farao sonder naam wat in die Bybelse storie van Josef genoem word.[3]

Grafskatte[wysig]

’n Borssiersel van Senoesret II (grafkelder van Sithathorioenet).

In 1889 het die Engelse Egiptoloog Flinders Petrie ’n "fantastiese goue koninklike oeraeoes" wat oorspronklik deel van Senoesret se geroofde grafskatte moes gewees het, ontdek in ’n oorvloeide kamer van die koning se grafkelder.[4] Dit is nou in die Kaïro-museum.

Argeoloë het sy dogter, prinses Sithathorioenet, se grafkelder ook daarnaby gevind. Verskeie juweliersware daarin sluit twee borssiersels en ’n kroon in.

In 2009 het Egiptiese argeoloë aangekondig dat hulle tydens nuwe uitgrawings ’n kis naby die Lahoen-piramide ontdek het met mummies in helder geverfde houtkiste. Dit was na berig word die eerste mummies wat in die sandbedekte woestynrotse om die piramide ontdek is.[5]

Verwysings[wysig]

  1. Miroslav Verner, The Pyramids: The Mystery, Culture, and Science of Egypt's Great Monuments, Grove Press 2002. p.386
  2. Peter Clayton, Chronicle of the Pharaohs, Thames & Hudson Ltd, (1994), bl. 83
  3. Eugene H. Merrill, Kingdom of Priests, Grand Rapids: Baker Academic, 2008, 66-68.
  4. Peter Clayton, Chronicle of the Pharaohs, Thames & Hudson Ltd, (1994), bl. 80
  5. "Cache of mummies unearthed at Egypt's Lahun pyramid"

Eksterne skakels[wysig]