Skuifpasser

in Wikipedia, die vrye ensiklopedie
Spring na: navigasie, soek
'n Skuifpasser

'n Skuifpasser word gebruik om die binne- en buitelyne van pype te meet. Dit kan ook gebruik word om die diepte van gate te bepaal. Die ander bekende en korrekte naam daarvan is die noniuspasser.

Ook digtale skuifpassers is vandag beskikbaar, en hulle is baie makliker om te gebruik as die tradisionele passers.

Beginsel van die Noniuspasser[wysig]

'n Noniusstelsel bestaan uit 'n vaste en 'n bewegende skaal. Die noniusskaal is effens kleiner as elke indeling op die vaste skaal. Die verskil tussen die twee se indelinglengtes stel 'n mens in staat om metings tot 'n honderdste van 'n millimeter te lees.

'n Skuifpasser van naby gesien.
Die gebruik van 'n skuifpasser
Hoe die skuifpasser werk

Hoe om 'n skuifpasser te gebruik[wysig]

  1. Maak seker die skuifpasser, veral om die skaal, is silwerskoon voordat dit gebruik word.
  2. Plaas die passer oor die stuk wat jy wil meet. Druk die bewegende skaal liggies (as 'n mens te hard druk, kan dit die instrument beskadig).
  3. Let op die posisie van die nul op die skaal in verhouding tot die hoofskaal sodra die passer in posisie is. Dit is 'n aanduiding van die aantal millimeters van die item.
  4. Let op waar die lyn op die skaal presies met 'n lyn op die hoofskaal saamval. Dit is die aantal honderdstes van 'n millimeter van die item wat gemeet word.
  5. Tel die twee lesings bymekaar.

Bronne[wysig]