Spin

in Wikipedia, die vrye ensiklopedie
Spring na: navigasie, soek

Om te spin beteken om vesels tot 'n lang draad om mekaar te draai. Om te weef beteken weer om die drade wat op hierdie manier gespin is, saam te vleg in 'n stuk materiaal waarvan byvoorbeeld klere gemaak kan word. Die twee prosesse vul mekaar dus aan - eers word gespin en dan geweef.

Geskiedenis[wysig]

Die eerste mense op aarde het byna nakend geloop. Later het hulle verskeie stowwe uit die natuur, waarvan velle die vernaamste was, begin gebruik om hul liggame mee te beskerm. Namate die mens ontwikkel het, het die behoefte aan 'n fyner en beter soort bedekking ontstaan. Dit is uit hierdie behoefte dat die spin- en weefkuns ontstaan het.