Strand, Londen

in Wikipedia, die vrye ensiklopedie
Spring na: navigasie, soek
Strand
London The Strand.JPG
Ligging van Strand op 'n kaart (Groter Londen)
Strand
Strand
Koördinate: 51°30′41″N 0°7′08″W Koördinate: 51°30′41″N 0°7′08″W
Land Vlag van Verenigde Koninkryk Verenigde Koninkryk
Land Flag of England.svg Engeland
Londense borough Westminster
Seremoniële graafskap Groter Londen
Tydsone MGT (UTC±00:00)
 - Somer (DST) BST (UTC+01:00)
Poskode WC2
Skakelkode(s) 020

Strand, in Engels dikwels the Strand genoem, is 'n groot deurgangspad in die City of Westminster, Sentraal-Londen, wat deel uitmaak van die A4-grootpad. Dit loop oor 'n afstand van ruim driekwart myl vanaf Trafalgarplein in die weste tot Temple Bar in die ooste waar dit in Fleet Street inloop en die grenslyn tussen Westminster en die City of Londen vorm.

Aanvanklik was die Teemsrivier die belangrikste roete tussen die City en Westminster. Strand beteken rivieroewer, en die pad was inderdaad oorspronklik 'n rivierwal totdat dit tussen 1864 en 1870 ingedam en 'n straat aangelê is. Die ou waterpoort het in die Victoria Embankment Gardens bewaar gebly. Die Strand was vroeër langer en het die hoofroete tussen Westminster en die City gevorm, met herewonings aan weerskante. Tans loop dit deur 'n buurt met winkels, hotelle en teaters.

Twee historiese kerkgeboue is aan die oostelike eindpunt van die Strand op eilande in die middel van die pad geleë nadat dit in die verlede verbreed is. Die straatgedeelte tussen die twee kerke is in 1900 verbreed en het sodoende 'n ouer pad, Holywell-straat wat parallel met die Strand geloop het, ingesluit. Verkeer in oostelike rigting loop verby die kerke deur 'n kort halfmaanvormige gedeelte wat as Aldwych bekend staan. Die Strand vorm die suidelike grens van die Covent Garden-distrik.