Suurlemoenpeper

in Wikipedia, die vrye ensiklopedie
Spring na: navigasie, soek
Suurlemoenpeper wat in Suid-Afrika verkrygbaar is

Suurlemoenpeper is 'n mengsel van geurmiddels wat gemaak word van gegranuleerde suurlemoenskil en gekraakte swartpeperkorrels. Tydens die bereiding word die suurlemoenskil saam met die peper fyngedruk sodat die sitrusolie in die peper kan intrek. Hierdie mengsel word dan gebak en gedroog en kan op vleis (veral pluimvee) en pasta gebruik word, hoewel dit oorspronklik hoofsaaklik vir seekos gebruik is.

Suurlemoenpeper is in die handel beskikbaar in klein houertjies, en kan ook klein hoeveelhede ander bestanddele soos sout, suiker, uie, knoffel, sitroensuur, bykomende suurlemoengeursel, rooipeper en ander speserye bevat. Suurlemoenpeper kan ook tuisgemaak wees.

Hierdie artikel is in sy geheel of gedeeltelik vanuit die Engelse Wikipedia vertaal.