Suurlemoen

in Wikipedia, die vrye ensiklopedie
Spring na: navigasie, soek
Suurlemoen
Citrus limon
Wetenskaplike klassifikasie
Koninkryk: Plantae
(geen rang): Angiosperms
(geen rang): Eudicots
(geen rang): Rosids
Orde: Sapindales
Familie: Rutaceae
Genus: Citrus
Spesie: C. limon
Binomiale naam
Citrus limon
(L.) Burm.f.
Suurlemoen- en lemmejieproduksie in 2005
Suurlemoen- en lemmejieproduksie in 2005

'n Suurlemoen is 'n geel sitrusvrug met 'n suur smaak wat veroorsaak word deur sitroensuur wat ook aanwesig is in alle ander sitrus.

Die suurlemoenboom (Citrus limon) is 'n klein immergroen boom inheems aan Asië, en die boom dra ellipsoïdale geel vrugte. Die vrugte word gebruik vir kulinêre en nie-kookdoeleindes oor die hele wêreld, hoofsaaklik vir sy sap, al word die pulp en skil ook gebruik in kook en gebak. Die sap van 'n suurlemoen bevat ongeveer 5% tot 6% sitroensuur, wat aan suurlemoene hul suur smaak gee. Die kenmerkende suur smaak van suurlemoensap maak dit 'n belangrike bestanddeel in kos en drankies soos limonade en kwas.

Die suurlemoen bevat heelwat vitamien C en die sap word in baie geregte gebruik as geurmiddel, maar ook in gebak soos koek. Gerasperde suurlemoenskil kan ook gebruik word om smaak te gee aan gebak. In vrugteslaaie is suurlemoen geskik om bruinverkleuring van die ander vrugte, soos appels en piesangs, te voorkom.

Die skil van suurlemoene blink omdat dit net ná die oes voorsien word van 'n dun lagie was in die verpakkingsfabriek.

Ander gebruike[wysig]

Uit die skil van die suurlemoen word deur persing of stoomdistillasie 'n essensiële olie berei wat baie gebruik word in parfuum, waaronder eau de cologne, ander skoonheidsmiddels en in limonades en lekkergoed.

Verwysings[wysig]

Hierdie artikel is in sy geheel of gedeeltelik vanuit die Engelse Wikipedia vertaal.