The Knife

in Wikipedia, die vrye ensiklopedie
Spring na: navigasie, soek
The Knife
Theknife1.jpg
The Knife tydens 'n direkte optrede by Sonar 2006.
Oorsprong Swede
Genre(s) Elektronika, sintetika
Aktiewe jare 1999 — hede
Webwerf www.theknife.net
Lede Karin Dreijer Andersson
Olof Dreijer
Portal.svg Musiekportaal

The Knife is 'n elektropopmusiekduo van suster en broer Karin Dreijer Andersson en Olof Dreijer wat in 1999 in Swede gevorm is. Olof Dreijer bedryf ook die groep se eie platemaatskappy, Rabid Records. Die groep kommunikeer selde met die media en nuusbedryf, en die verkoopsyfer van 30 000 eksemplare van hul tweede vollengteateljeealbum Deep Cuts word as 'n groot sukses geag vir 'n obskure musiekgroep soos hulle wat nie kontraktueel aan 'n hoofstroomplatemaatskappy gebind is nie. Andersson was voorheen die voorsangeres van die Göteborgse musiekgroep Honey is Cool.

The Knife het in 2003 'n Grammis-prys as die beste popgroep gewen. Hulle het egter die toekenningseremonie geboikot en as prysontvangers die kunstenaresse Fia-Stina Sandlund en Joanne Rytel van die groep Unfucked Pussy gestuur, wat opgedaag het as gorillas geklee en met die getal 50 op hul rûe, as 'n protes teen die musiekindustrie wat volgens hulle deur mans gedomineer word.

Die groep het aanvanklik 'n beleid gevolg waarvolgens hulle geen direkte optredes sou uitvoer nie. Hulle het hierdie tradisie egter verbreek deur in 2005 hul eerste optrede by die ICA in Londen te gee, en in samehang daarmee het hulle die album Silent Shout in 2006 vrygestel wat bykans deur die bank deur kritici en aanhangers positief ontvang is. In 2006 is meer direkte optredes in Londen, New York Stad, Lund, Berlyn, Stockholm en Göteborg uitgevoer. Die groep hou hulle egter steeds skaars vir die media en dra selfs tydens optredes gesigmaskers van variërende styl.

Diskografie[wysig]

  • The Knife (2001)
  • Deep Cuts (2003)
  • Hannah med H (2003)
  • Silent Shout (2006)

Eksterne skakels[wysig]