Tom Berenger
| Tom Berenger | |
| |
Berenger in 2013.
| |
| Geboortenaam | Thomas Michael Moore |
|---|---|
| Geboorte | 31 Mei 1949 |
| Aktiewe jare | 1968-tans |
Tom Berenger (gebore as Thomas Michael Moore; 31 Mei 1949) is ’n Amerikaanse akteur van televisie en rolprente. Hy is in 1986 vir ’n Oscar vir beste manlike byspeler benoem vir Platoon (1986).
Loopbaan[wysig | wysig bron]
Berenger het joernalistiek aan die Universiteit van Missouri studeer, maar ná sy studie besluit om toneel te speel. Hy moes sy van verander omdat daar reeds ’n akteur met die naam Tom Moore was. Berenger het in 1988 die Tom Berenger-beursfonds vir toneelspel gestig om studente te beloën wat in toneelspel uitblink.
Hy het in die 1970's in streeksteaters gewerk voordat hy New York toe verhuis het. Sy eerste TV-rolle was in sepies, soos die hoofrol van Tim Siegel in One Life to Live. Sy rolprentdebuut was die hoofrol in die onafhanklike prent Rush It (1976). ’n Klein rol het gevolg in Looking for Mr. Goodbar, en daarna was hy in In Praise of Older Women (1978). In 1979 was hy Butch Cassidy in Butch and Sundance: The Early Days, ’n rol wat hy gekry het omdat hy effens na Paul Newman lyk[1] wat die rol in 1969 in Butch Cassidy and the Sundance Kid vertolk het.
In die 1980's het Berenger in groter prente begin speel, soos The Big Chill (1983), Platoon (1986), Someone to Watch Over Me (1987) en Major League (1989). In 1986 het hy ’n Oscar-benoeming gekry vir sy uitbeelding van stafsersant Barnes in Platoon (hy het ’n Golden Globe vir beste manlike byspeler daarvoor gewen). In 1993 was hy in Sniper (en drie van die vier opvolgprente). Ander noemenswaardige flieks uit dié tydperk sluit in Born on the Fourth of July (1989), Shattered (1991), Sliver en Gettysburg (1993) en Chasers (1994).
Hy was later hoofsaaklik in byspelerrolle in prente en op TV te sien, soos in die laaste seisoen van die gewilde reeks Cheers, waarvoor hy vir ’n Emmy benoem is. Hy het ook die 1997-minireeks Rough Riders vervaardig.
In 2010 was hy te sien in die wetenskapsfiksieriller Inception saam met Leonardo DiCaprio en Cillian Murphy. Dit was ’n sukses en Berenger se eerste rol in ’n hoofstroomfliek sedert Training Day in 2001. In 2012 was hy in die TV-minireeks Hatfields & McCoys as Jim Vance. Hy het ’n Emmy vir beste byspeler gewen vir sy spel.[2]
Verwysings[wysig | wysig bron]
- ↑ "Interview with William Katt". Chicago Sun-Times (in Engels). Geargiveer vanaf die oorspronklike op 4 Oktober 2012. Besoek op 13 Augustus 2021.
- ↑ Pennington, Gail (24 September 2012). "'Homeland' wins big; Hamm loses again at Emmys" (in Engels). St. Louis Post-Dispatch via website. Geargiveer vanaf die oorspronklike op 29 November 2018. Besoek op 24 September 2012.
Eksterne skakels[wysig | wysig bron]
- Tom Berenger Online
- Tom Berenger in die Internet-rolprentdatabasis
- Tom Berenger by Celebrity Detective
Wikimedia Commons het meer media in die kategorie Tom Berenger.
Hierdie artikel is vertaal uit die Engelse Wikipedia
