Verdrag van Windsor (1386)
Die Verdrag van Windsor is as diplomatieke alliansie tussen die koninkryke van Portugal en Engeland op 9 Mei 1386 in Windsor onderteken en beseël met die huwelik tussen koning Johannes van Portugal I (uit die Huis van Aviz) met Philippa van Lancaster, dogter van Jan van Gent (Engels: John of Gaunt), 1ste hertog van Lancaster.
Met sy oorwinning in die Slag van Aljubarrota, waartydens hy deur Engelse boogskutters ondersteun is, is Johannes I (Portugees: João I) as onbetwiste heerser oor Portugal erken en die politieke krisis van die interregnum tussen 1383 en 1385 beëindig. Die bestaande Engels-Portugese alliansie is met die Verdrag van Windsor formeel bekragtig. Die historiese dokument word tans in die Nasionale Argiewe van Portugal bewaar.