Victoriadag

in Wikipedia, die vrye ensiklopedie
Spring na: navigasie, soek

Victoriadag (Frans: Fête de la Reine) is 'n Kanadese openbare vakansiedag wat op die Maandag op of voor Mei 24 gevier word, ter ere van beide die verjaarsdag van Koningin Victoria en dié van die huidige heersende Kanadese Soewerein.

Dié dag word ook gevier in dele van Skotland, veral in Edinburgh en Dundee, waar dit ook 'n openbare vakansiedag is.

Geskiedenis[wysig]

Sedert 1901 is Mei 24 as datum dwarsdeur die Britse Ryk gevier as Ryksdag. In 1958 is die dag herbenoem na Gemenebesdag, en in 1977 is die dag verskuif na die tweede Maandag in Maart, maar die Kanadese het aanhou om Victoriadag in Mei te vier.

Die heersende Kanadese monarg was tot dusver twee keer tevore in Kanada vir die viering van hulle amptelike geboortedag: die eerste keer op Mei 20, 1939, toe Koning George VI op 'n Kanada-wye toer in die land was, en die tweede keer toe Koningin Elizabeth II in Kanada was van Mei 17 tot Mei 25 2005, om die eeufeesvieringe van Saskatchewan en Alberta se intrede tot die Konfederasie van Kanada te gedenk.

Feesvierings[wysig]

Victoriadagvuurwerkvertoning 2005, vanaf Ontario-plek, Toronto

Dié dag is een van 'n paar wat in Kanada met vuurwerke gevier mag word. Dit word beskou as die nie-amptelike begin van die somerseisoen in Kanada, en daarom maak die meeste parke en ander besighede wat gedurende die warmer somermaande bedryf word oop op hierdie naweek. Soortgelyk beteken dié langnaweek vir die tuinier in Kanada dat die lente behoorlik daar is, en daar waarskynlik nie weer ryp sal wees voor die volgende winter nie.

Eksterne skakel[wysig]

Notas[wysig]

Die artikel is 'n gedeeltelike vertaling van die Engelse Wikipedia artikel Victoria day.