Wapen (heraldiek)

in Wikipedia, die vrye ensiklopedie
Spring na: navigasie, soek
Verskeie wapens.

'n Wapen is 'n heraldiese simbool wat deur 'n persoon, familie, stad, staat of 'n groep as 'n onderskeidingsteken gebruik word. Tradisioneel is wapens op 'n skild gedra, maar dis later ook op ander herkenbare voorwerpe (soos helms en gevegswapens) aangebring. Die oorspronklike doel daarvan was om 'n groep in 'n veldslag herkenbaar te maak en om eiendom te merk sodat eienaarskap duidelik is.

Unieke, meestal kleurryke ontwerpe word as wapens gebruik. 'n Wapen word gewoonlik in verskillende vakke ingedeel met tekens en figure daarin wat iets spesifieks simboliseer.

In verskeie lande moet wapens geregistreer word voordat dit gebruik kan word. In Suid-Afrika kan enige persoon 'n wapen voer, solank hy nie op iemand anders se regte inbreuk maak nie. Wapens kan ook by die Buro vir Heraldiek geregistreer word om die eienaarskap daarvan op rekord te plaas. Sulke wapens moet van 'n blasoenering (wapenbeskrywing) voorsien word, en kan ook 'n wapenspreuk en ander elemente insluit.

Sien ook[wysig]

Eksterne skakels[wysig]