Waterwiggelary

in Wikipedia, die vrye ensiklopedie
Spring na: navigasie, soek

Waterwiggelary is 'n woord wat veral verwys na die praktyk om ondergrondse lopende water op te spoor, gewoonlik met behulp van die swaai van 'n stokkie, stafie of pendulum oor 'n kaart, of terwyl die wiggelaar beweeg oor 'n landsoppervlakte. Sommige handboeke oor waterwiggelary dring daarop aan dat dit slegs met behulp van varsgesnyde takkies kan geskied. Wetenskaplike navorsing omtrent hierdie bedryf kon nie bewys dat dit werk nie, maar dit word steeds deur talle mense geglo.

Geskiedenis[wysig]

Wiggelary bestaan al in die een of ander vorm vir duisende jare. Oorspronklik skyn dit dat dit meestal gebruik was om die toekoms, of die wil van die gode, te voorspel. Tydens die Middeleeue is gedink dat waterwiggelary die Duiwel se werk is.

Wetenskaplike studies[wysig]

Dié navorsingstudies wat wel getoon het dat dit werk, was nie ontwerp volgens wetenskaplike standaarde nie, en kon verklaar word deur ander veranderlikes, soos leidrade vervat in die geografie van die terrein waarin die waterwiggelaar gewerk het.

Twee groot groepe wetenskaplike studies het dusver getoon dat waterwiggelary slegs werk so dikwels as wat dit toevallig reg sou wees deur net wild te raai.

Sydney, Australië[wysig]

In 1980 het 'n objektiewe wetenskaplike toets tot stand gekom. Tien plastiese pype is ondergronds begrawe, parallel met mekaar, met net een pyp wat lopende water daardeur het. Sien ook:Die wiggelarytoets van Australiese skepticiDit het sedertdien tot 'n jaarlikse kompetisie ontwikkel, en teen 2005, was die uitslag in slegs 15 van 111 pogings suksesvol.

München, Duitsland[wysig]

Die mees uitgebreide toetsing het hier, tussen 1987 en 1988, plaasgevind. Sien ook: Wiggelary getoets: die faling van die navorsingstoetse in München Meer as 500 wiggelaars het deelgeneem in meer as 10 000 dubbelblinde toetse. Van die 500 het slegs ses wiggelaars uitslae gehad wat effens beter as toevallig was.

Eksterne skakels[wysig]

Oorsig van navorsingsgeskiedenis[wysig]

Bron[wysig]

Verkorte vertaling vanaf die artikel Dowsing op die Engelse Wikipedia.