Web-inhoudsbestuurstelsel

in Wikipedia, die vrye ensiklopedie
Spring na: navigasie, soek

'n Web-inhoudsbestuurstelsel (WIBS) is sagteware om die inhoud van 'n webwerf te bestuur. Dit word gewoonlik geïmplementeer as 'n webtoepassing vir die skep van HTML-inhoud. Dit word gebruik om groot-, dinamiese versamelings van webmateriaal (HTML dokumente en verwante beeldmateriaal) te bestuur en te beheer. 'n WIBS fasiliteer die skep van inhoud, die beheer van inhoud, redigering, gebruikersbestuur en vele ander noodsaaklike onderhoudsfunksies.

Die sagteware verskaf gewoonlik gereedskap om redigering en verrigting van ander funksies maklik te maak vir gebruikers wat min of geen kennis van programmeertale of markeertale het nie.

Die meeste stelsels gebruik 'n databasis om inhoud, metadata en ander media te stoor wat deur die stelsel benodig mag word. Inhoud word dikwels, maar nie altyd, in XML gestoor om die hergebruik te fasiliteer en om buigsame vertoonopsies in die hand te werk.[1][2]

'n Vertoonlaag vertoon die inhoud aan gewone besoekers tot die webwerf gebaseer op 'n stel sjablone. Die sjablone is dikwels in de vorm van XSLT lêers.[3]

Administrasie word gewoonlik vanaf 'n webblaaiergebaseerde koppelvlak af gedoen, maar sommige stelsels vereis die gebruik van sagteware op 'n gebruiker se rekenaar.

'n Inhoudsbestuurstelsel verskil wesenlik van webwerfbouers soos Microsoft FrontPage of Adobe Dreamweaver. 'n WIBS laat nie-tegniese gebruikers toe om veranderinge aan 'n bestaande webwerf te maak met min of geen opleiding nie. WIBS'e vereis tipies 'n ervare programeerder om die webwerf op te stel en kenmerke by te voeg, maar dit is primêr 'n onderhoudstelsel vir nie-tegniese administrateurs.

Vermoeëns van Web-inhoudsbestuurstelsels[wysig]

'n WIBS fasiliteer dokumentbeheer, oudits, redigering en tydlynbestuur. 'n WIBS verkaf die volgende sleutelfunksies:

Outomatiese sjablone
Die skep van standaard sjablone (gewoonlik HTML en XML) wat outomatiese toegepas kan word op nuwe en bestaande inhoud. Dit skep daarmee 'n sentrale plek waar die voorkoms van 'n groep inhoud verander kan word.
Maklik redigeerbare inhoud
As die inhoud van 'n werf eers geskei word van die visuele aanbieding van die werf, word dit gewoonlik heelwat makliker om te redigeer en te manipuleer. Die meeste WIBS sagteware sluit Wat-jy-sien-is-wat-jy-kry tipe redigeergereedskap in sodat nie-tegniese gebruikers inhoud kan skep en kan aanpas.
Uitbreibare kenmerke
Die meeste WIBS'e het inpropprogramme of modules wat maklik geïnstalleer kan word om 'n bestaande werf se funksionaliteit uit te brei.
Webstandaard-opgraderings
Aktiewe WIBS'e ontvang gewoonlik dikwels opgraderings wat nuwe kenmerke insluit en die stelsel in lyn hou met die nuutste webstandaarde.
Werkvloei bestuur
Werkvloei is die pros om siklusse van agtereenvolgende of gelyklopende take te skep wat in die WIBS verrig moet word. 'n Voorbeeld is wanneer 'n skrywer 'n artikel voorlê maar dit nie op die webwerf gepubliseer word alvorens die redaksie dit eers nagegaan het nie en die hoofredakteur dit goedgekeur het nie.
Dokumentbestuur
WIBS'e mag ook 'n stelsel verskaf vir die bestuur van dokumente se lewensiklus vanaf die aanvanklike skep daarvan, deur die verskillende weergawes, tot die publikasie daarvan, argivering en uiteindelike vernietiging daarvan.
Virtualisering van inhoud
WIBS'e kan die vermoë bied om elke gebruiker toe te laat om binne 'n virtuele kopie van die algehele webwerf, dokumentversameling en/of kodebasis te werk. Dit maak veranderinge aan veelvuldige interafhanklike hulpbronne moontlik vir vertoning en/of uitvoering binne konteks voordat dit voorgelê word.

Voorbeelde[wysig]

'n Paar welbekende WIBS'e is:

Verwysings[wysig]

  1. www.managingenterprisecontent.com;Ethier, Kay, en Scott Abel; Introduction to Structured Content Management with XML; CMS Watch; nagegaan op 2007-11-12
  2. www.bluestream.com/xdbres/Content/Business/whitepaper/XmlCms/Outline.html; Tivy, Jim, et al. ; The XML Content Management System for Document Centric XML; Bluestream Database Software Corporation; nagegaan op 2007-11-12
  3. http://woric.net/wsg_presentation/Part1_using_xslt.xf; Woric Faithfull; Using XSLT to Make Websites; woric.net; nagegaan op 2007-11-08
  4. 4,0 4,1 Afrikaanse lokalisering beskikbaar