Wisjnoe

in Wikipedia, die vrye ensiklopedie
Spring na: navigasie, soek
Wisjnoe (viṣṇu)
Wisjnoe en Laksjmi op Sjesja Naga, c. 1870
Wisjnoe en Laksjmi op Sjesja Naga, c. 1870
Devanagari: विष्णु
Abode: Vaikuntha
Wapen: Soedarsjana Tjakra en die Kaumodaki Soedarsjana Tjakra en die Kaumodaki
Metgesel: Laksjmi
Rydier: Garoeda

Wisjnoe (IAST viṣṇu, Devanagari विष्णु), (eretitel: Bhagawan Wisjnoe), is die oppergod in die Waisjnawiete-tradisie van Hindoeïsme. Smarta-volgelinge, van onder andere Adi Sjankara, vereer Wisjnoe as een van die vyf primêre vorme van God,[1] en sy opperstatus word in die Hindoe heilige geskrifte soos die Yajurveda, die Rigveda en die Bhagavad Gita verklaar.[2][3][4][5][6]

Die Wisjnoe Sahasranama[7] verklaar Wisjnoe as Paramatma (oppersiel) en Paramesjwara (oppergod). Dit beskryf Wisjnoe as die Alomteenwoordige essensie van alle wesens, die meester van — en verder as — die verlede, hede en toekoms, die skepper en vernietiger van alle bestaan, die een wat die Heelal ondersteun, onderhou en regeer en wat aan al die elemente daarbinne oorspong gee en dit ontwikkel.

In die Poeranas word beskryf dat Wisjnoe 'n goddelike kleur van wolke (donkerblou) het met vier arms waarmee hy 'n lotus, staf, trompetskulp en tjakra (wiel) vashou. In die Bhagavad Gita word ook beskryf dat Wisjnoe 'n 'Universele Vorm' (Wisjwaroepa) het wat buite die perke van die mens se sintuiglike persepsie lê.[8]

Die Poeranas beskryf ook elkeen van die Dasawatara van Wisjnoe. Onder die tien hoof-avatars wat beskryf word, het nege in die verlede voorgekom en sal een in die toekoms voorkom teen die einde van die Kali-joega. In die kommentaar van die skepper Brahma in Wisjnoe Sahasranamam, verwys hy na Wisjnoe as "Sahasrakoti Joega Dharine", wat beteken dat hierdie inkarnasies in alle Joegas op kosmiese skaal voorkom. Die Bhagavad Gita meld dat hulle doel is om Dharma te vernuwe[9] en negatiewe magte te oorwin en om sy goddelike bedrywighede voor al die gevalle siele te vertoon. In byna alle Hindoedenominasies word Wisjnoe óf direk aanbid óf in die vorm van een van sy tien avatars, soos Rama en Krisjna en Siddhartha Gautama.[10]

Die Trimoerti ("drie vorme"; Sanskrit: trimūrti) is 'n konsep in Hindoeïsme "waarin die kosmiese funksies van skepping, instandhouding en verwoesting verpersoonlik word deur die vorme van Brahma die skepper, Wisjnoe die instandhouer of behoeder, en Sjiwa die vernietiger of vervormer."[11][12] Hierdie drie godhede word soms "die Hindoe-triade"[13] van die "Groot Drie-eenheid" genoem.[14] Die Bhagawata Poerana verduidelik dat van die drie lede van die Trimoerti, die grootste guns van Wisjnoe af verkry kan word.[15]

Verwysings[wysig]

  1. The Sri Vaishnava Brahmans, K. Rangachari (1931) p. 2
  2. Albrecht Weber, Die Taittirîya-Saṃhitâ, Leipzig, Indische Studien 11-12, Brockhaus (1871, 1872) e-teks
  3. A. Berridale Keith, The Yajur Veda - Taittiriya Sanhita 1914, volledige teks, (aanlyn by sacred-texts.com). Vir spesifieke verse, sien [Kanda V, verse 5.1. http://www.sacred-texts.com/hin/yv/yv05.htm] "al die godhede is Agni; die offerhande is Wisjnoe; waarlik neem hy besit van die godhede en die offerhande; Agni is die laagste van die godhede, Wisjnoe die hoogste"
  4. Devi Chand, The Yajurveda. Sanskrit-teks met Engelse vertaling. Derde deurgaans hersiene en uitgebreide uitgawe (1980).
  5. The Sanhitâ of the Black Yajur Veda with the Commentary of Mâdhava ‘Achârya, Kalkutta (Bibl. Indica, 10 dele, 1854-1899)
  6. Weens verskille in hersienings kan die verse in die Gita in die volle teks van die Mahabharata as hoofstukke 6.25 – 42 genommer wees. (sien: Sastras studies) of as hoofstukke 6.23-40 (The Bhandarkar Oriental Research Institute (BORI), elektroniese uitgawe. Elektroniese teks (C) Bhandarkar Oriental Research Institute, Pune, Indië, 1999.) Volgens die hersiening van die Gita waarop Sjankaratjaria kommentaar gelewer het, is die aantal verse 700, maar daar is getuienis wat daarop dui dat ou manuskripte 745 verse gehad het.(Gambhiranda (1997), p. xvii.)
  7. Sri Vishnu Sahasaranama - Transliterasie en Vertaling van Dreungesang
  8. Prabhupada, AC Bhaktivedanta. “Bhagavad-gita As It Is, Hoofstuk 11 Vers 3”. vedabase.net. URL besoek op 2008-05-10. "..kyk die "kosmiese manifestasie""
  9. Bhagavad Gita 4.7 "...op daardie tyd bring ek Myself neer"
  10. Matchett, Freda (2000). Krsna, Lord or Avatara? the relationship between Krsna and Visnu: in the context of the Avatara myth as presented by the Harivamsa, the Visnupurana and the Bhagavatapurana. Surrey: Routledge, 4. ISBN 0-7007-1281-X. 
  11. Vir 'n aanhaling wat die Trimoerti definieer, kyk Matchett, Freda. "The Purāṇas", in: Flood (2003), p. 139.
  12. Dat die Trimoerti-stelsel Brahma as skepper het, Wisjnoe as die instandhouer of behoeder, en Sjiwa as die vernietiger of vervormer, kyk: Zimmer (1972) p. 124.
  13. Vir die definisie van Trimoerti as "die verenigde vorm" van Brahmā, Viṣṇu en Sjiwa, en die gebruik van die frase "die Hindoe-triade", kyk: Apte, p. 485.
  14. Vir die term "Groot Drie-eenheid" met verwysing na die Trimoerti, kyk: Jansen, p. 83.
  15. http://vedabase.net/sb/1/2/23/en