Wuhan
|
Wuhan |
|
|---|---|
| Kaart | Ligging in Hubei |
 |
|
 |
|
| Vlag | |
| Land |  VR van Sjina |
| Provinsie | Hubei |
| Koördinate | 29°58' N 113°53' O |
| Stigting | 1709 |
| Oppervlakte: | |
| - Totaal | 1 557 vk km |
| Hoogte bo seevlak | 77 m |
| Bevolking: | |
| - Totaal (Augustus 2007) | 6 600 000 |
| - Bevolkingsdigtheid | 4 238,9/vk km |
| - Subprovinsiale stad | 9 700 000 |
| Tydsone | UTC +8 (CST) |
| Burgemeester | Ruan Chengfa |
| Amptelike Webwerf | Wuhan |
Wuhan (hulp·inligting) is die hoofstad van die provinsie Hubei in die sentrale Volksrepubliek van Sjina met 'n oppervlakte van 1 557 vierkante kilometer en 'n bevolking van 6,6 miljoen mense. Die stad is in die oostelike Jianghan-vlakte naby die samevloeiing van die Jangtse- en Han-riviere geleë en is tans die politieke, ekonomiese, finansiële, kulturele, opvoedkundige en vervoersentrum van Sentraal-Sjina. Talle belangrike spoorweglyne, paaie en snelweë loop deur die stadsgebied.
Die revolusie van 1911, wat vanuit Wuhan oor die hele land versprei het, het tot die omverwerping van die keiserlike bewind in Sjina gelei. In die 1920's het Wuhan as die hoofstad van 'n linksgerigte Kuomintang-regering onder Wang Jingwei gefungeer wat homself in opposisie tot die partyleierskap onder Tsjiang Kai-sjek gevind het. Die huidige stad is met die samesluiting van drie voormalige stede, Wuchang, Hankou en Hanyang, tot 'n gemeenskaplike munisipaliteit in 1927 gevorm.
