802.11

in Wikipedia, die vrye ensiklopedie
Spring na: navigasie, soek
Die Linksys WRT54G het 'n 802.11b/g-radio met twee antennes.

Die mees algemene argitektuur- en protokolstandaarde wat toegepas word om data oor te dra in ‘n draadlose netwerk is die IEEE 802.11-standaarde.

Die 802-komitee is verantwoordelik om standaarde te ontwikkel vir LAN’e (lokale area netwerke) en WAN’e (wye area netwerke). Die komitee is in werkgroepe opgedeel. Die 802.3-groep ontwikkel byvoorbeeld standaarde vir Ethernet-gebaseerde bedrade netwerke, die 802.15-groep ontwikkel standaarde vir persoonlike-area netwerke en die 802.11-groep ontwikkel standaarde vir draadlose lokale area netwerke.

802.11 word verder onderverdeel, byvoorbeeld:

802.11b (ook bekend as Wi-Fi) is ‘n standaard vir draadlose LAN’e wat bedryf word in die 2.4 to 2.5 GHz frekwensiespektrum met ‘n maksimum data-oordragkoers van 11 megagrepe per sekonde. Dit voorsien 3 afsonderlike kanale en was vir ‘n geruime tyd die mees populêre standaard.

802.11a is ‘n standaard vir draadlose LAN’e wat bedryf word in die 5.15 tot 5.875 GHz frekwensiespektrum met ‘n maksimum data-oordragkoers van 54 megagrepe per sekonde.

802.11g is ‘n standaard vir WLAN’e (draadlose LAN’e) wat bedryf word in die 2.4 tot 2.5 GHz frekwensiespektrum met ‘n maksimum data-oordragkoers van 54 megagrepe per sekonde.

802.11g Super G is ‘n standaard vir WLAN’e (draadlose LAN’e) wat bedryf word in die 2.4 tot 2.5 GHz frekwensiespektrum met ‘n maksimum data-oordragkoers van 108 megagrepe per sekonde.

802.11i is ‘n standaard vir verskerpte sekuriteit in die draadlose netwerkomgewing en is aanvaar in 2004.

802.11n is ‘n standaard vir 'n spoed tot 300 Mbps (3x die spoed van 100Tbase 100Mbps LAN-konneksie) en is aanvaar in 2004. Dit is 'n multikanaal transmissie en maak gebruik tussen 3 en 6 antennes, soms ingebou op die TP (toegangspunt) (engels: AP = access point) of ook met 'n eksterne antenne in die kamer of buitenshuis.

Vrystellings Datum Op. frekwensie Data spoed (tiep.) Data spoed (maks.) Afstand (binneshuis)
Junie 2009 (?) 5 GHz en/of 2.4 GHz 74 Mbit/s 300 Mbit/s (2 streams) ~70 m

802.11n is 'n voorgestelde verandering wat die vorige 802.11 standarde verbeter met byvoeging van multiple-input multiple-output (MIMO) - veelvuldige-in veelvuldige-out (VIVU) en baie ander nuwe ekstras.

802.11x was aanvanklik ‘n konsepstandaard vir poortgebaseerde toegangsbeheer (poort-gebaseerde toegangsbeheer gebruik die fisiese kenmerke van die LAN infrastruktuur en wisselaars om bekragtiging by elke LAN-poort te verskaf). Die naam het egter mettertyd na 802.11 in die algemeen begin verwys en is vandag ‘n gereserveerde naam wat nooit gebruik sal word nie.

802.11v is ‘n netwerkbestuurstandaard.

Eksterne skakels[wysig]