Abhidhamma-pitaka

in Wikipedia, die vrye ensiklopedie

Die Abhidhamma-pitaka (vertaal as "filosofie", "sielkunde" of "metafisika") is ’n Boeddhistiese geskrif en een van die drie dele van die Pali-kanon. Dit is ’n gedetailleerde skolastiese herbewerking van materiaal wat in die Suttas verskyn, volgens skematiese klassifikasies. Dit bevat veral opsommings en genommerde lyste.

Die Pali-kanon bestaan uit drie algemene kategorieë, wat piṭaka (van die Pali-woord vir "mandjie") genoem word. As gevolg hiervan is die kanon tradisioneel bekend as die Tipiṭaka ("Drie Mandjies"). Die ander twee mandjies is die Vinaya- en Sutta-pitaka.