Aix-en-Provence

in Wikipedia, die vrye ensiklopedie
Spring na: navigasie, soek

Aix-en-Provence
Fontaine de la Rotonde - Aix-en-Provence.JPG

Kaart Wapen
Aix-en-Provence dot.png
Blason ville fr Aix-en-Provence.svg
Vlag
Drapeau d'Aix-en-Provence.svg
 Land Vlag van Frankryk Frankryk
 Région (gewes) Flag of Provence-Alpes-Cote dAzur.svg Provence-Alpes-Côte d'Azur
 Département Blason département fr Bouches-du-Rhône.svg Bouches-du-Rhône
 Koördinate 43°32′N 5°27′O
 Stigting 122 v.C.
 Oppervlakte:  
 - Totaal 186,08 vk km
 Hoogte bo seevlak 73-511 m
 Bevolking:  
 - Totaal (2009) 141 895
 - Bevolkingsdigtheid 763/vk km
 - Metropolitaanse gebied 413 933
 Tydsone UTC +1
 - Somertyd UTC +2
 Burgemeester Maryse Joissains-Masini
 Amptelike webwerf mairie-aixenprovence.fr

Aix-en-Provence [ˌɛksɑ̃pʀɔˈvɑ̃s] is 'n universiteitstad en onderprefektuur in die Suid-Franse département Bouches-du-Rhône (région Provence-Alpes-Côte d'Azur) met 'n oppervlakte van 186,08 vierkante kilometer en 142 000 inwoners (waarvan 30 000 studente), wat in Frans Aixois genoem word.

Geografie en klimaat[wysig]

'n Straat in die historiese sentrum van Aix-en-Provence

Aix-en-Provence lê sowat 15 kilometer wes van die bergreeks Montagne Sainte-Victoire en 30 kilometer noord van Marseille in 'n bekken, wat deur die Arc- en Torseriviere begrens word. Die stad maak deel uit van Marseille se uitgestrekte metropolitaanse gebied met meer as een miljoen inwoners.

Aix-en-Provence is een van die mees uitgestrekte stede in Frankryk, en die stadsgebied beslaan naas Aix 'n aantal dorpe in die omgewing, soos byvoorbeeld Les Milles, Luynes, Le Tholonet, Purycard en Coutheron.

Die stad het 'n Mediterreense klimaat met warm somers en koel winters met temperature, wat soms benede vriespunt daal. Die gemiddelde temperatuur in Januarie is 5 °C, dié van Julie 22 °C. Aix-en-Provence het sowat 300 sonskyn- en 91 reëndae per jaar. Vanweë sy ligging in 'n bekken, wat laer geleë is as sy omgewing, bly warm lug dikwels oor die stad hang, terwyl die omgewing deur mikroklimaatsones met meer gematigde temperature gekenmerk word en ook meer reënval kry. Danksy die beskermde ligging word Aix net af en toe deur die Mistralwind en sy koue lugmassas geraak.