Akkommodasie (oog)

in Wikipedia, die vrye ensiklopedie
Jump to navigation Jump to search
Die akkommodasie van die oog: Vir ’n skerp beeld van voorwerpe wat naby is, word die ooglens ronder en daardeur sterker. So word nabygeleë voorwerpe skerp op die netvlies afgebeeld.

Akkommodasie in optika is die aanpassing van die sterkte van die ooglens om op ’n voorwerp te fokus namate die afstand wissel. Voorwerpe op verskillende afstande van ’n lens moet aan die ander kant van die lens ook op verskillende afstande ’n skerp beeld gee. Aangesien die afstand van die ooglens tot die netvlies in die oog nie kan verander nie, is dit noodsaaklik dat die lenssterkte aangepas kan word.

Akkommodasie vind plaas met behulp van spiervesels om die ooglens, wat die lens ronder of platter maak. Hierdeur verander die sterkte van die lens. Hierdie spiervesels, wat in ’n kring om die ooglens sit, word die akkommodasiespier genoem. Wanneer die spier ontspan, word die lens platter; wanneer dit saamtrek, word die lens ronder.

’n Jong menslike oog kan fokus verander van ’n oneindige afstand tot so naby as 6,5 cm van die oog af.[1]

Verwysings[wysig | wysig bron]

  1. (2000) “Near visual function in young children”. Ophthal. Physiol. Opt. 20 (3): 185–198. doi:10.1016/S0275-5408(99)00056-3.

Eksterne skakels[wysig | wysig bron]