Akrosoom

in Wikipedia, die vrye ensiklopedie

In die spermatosoa (ook bekend as sperm/spermselle) van baie diere, is die akrosoom die organel wat ontwikkel oor die voorste helfte van die sperm se kop. Dit is n dop-agtige struktuur wat ontwikkel van die Golgi-apparaat. Akrosoomvorming is afgehandel gedurende ontwikkeling in die testes. In soogdiere in die infraklas Eutheria, bevat die akrosoom sekere verterings ensieme (insluitende hialuronidase en akrosien). [1] Hierdie ensieme word vrygestel wanneer die sperm in die omgewing van die eiersel kom, en breek die buitenste membraan van die ovum, genaamd die zona pellucida af, wat die haploïede selkern in die sperm toelaat om saam te smelt met die haploïede kern van die ovum.

'n Sekere persentasie van sperme verloor hul akrosoom sonder chemiese stimulasie vanaf die ovum. In so geval word dit n "spontane akrosoomreaksie" genoem, en so sel is nie in staat om die eiersel te bevrug nie. Sommige sperme verloor ook hul akrosoom spontaan wanneer hulle doodgaan. Albei hierdie weergawes van die spontane akrosoomreaksie moet in ag geneem word wanneer die persentasie akrosoom-intakte selle geevalueer word. Hierdie evaluasie kan op verskeie maniere gebeur, waarvan fluoresensie mikroskopie en floei sitometrie twee populêre metodes is.

Menslike sperm

Sien ook[wysig | wysig bron]

Bronne[wysig | wysig bron]

  1. "acrosome definition - Dictionary - MSN Encarta". Geargiveer vanaf die oorspronklike op 31 Oktober 2009. Besoek op 15 Augustus 2007.

Sjabloon:Organelle