Andriantsitakatrandriana

in Wikipedia, die vrye ensiklopedie
Jump to navigation Jump to search
Andriantsitakatrandriana
Koning van Imerina
Regeer c. 1630-1650
Dinastie Hova
Voorganger Andrianjaka
Opvolger Andriantsimitoviaminandriandehibe
Gebore 1613, Analamanga
Oorlede c. 1650; Antananarivo
Eggenotes Ravololontsimitovy
Rafoloarivo
Kinders Andriantsimitoviaminandriandehibe
Andriamanjakatokana
Vader Andrianjaka
Moeder Ravadifo
Andriantsitakatrandriana het die rysvelde in sy gebied laat aanlê.

Andriantsitakatrandriana was van omstreeks 1630 tot 1650 koning van die Koninkryk Imerina op Madagaskar. Hy het die troon bestyg ná die dood van sy pa, Andrianjaka.[1] Hy het twee vroue gehad: die eerste een, Ravololontsimitovy, was die ma van sy oudste seun en opvolger, Andriantsimitoviaminandriandehibe, en die tweede een van sy jongste seun, Andriamanjakatokana.[2] Tydens sy bewind het hy volgens oorlewering sy tweede vrou en haar seun om onbekende redes uit sy gebied verdryf en dyke laat bou om die Betsimitatatra-moerasse om Antananarivo in uitgestrekte ryslande te omskep om die plaaslike bevolking te voed.

Bewind[wysig | wysig bron]

Andriantsitakatrandriana se belangrikste prestasie was om die groot Betsimitatatra-moerasse om die Analamanga-heuwel in vrugbare ryslande te omskep deur die bou van dyke. Voorheen het daar net biesies en groepies bome gegroei in die vleilande om die hoofstad, Antananarivo, wat sy pa dekades tevore van die Vazimba-volk verower het. Ander monarge ná hom sou sy werk uitbrei en die hele Betsimitatatra mettertyd in ’n groot netwerk ryslande omskep.[3]

Andriantsitakatrandriana is omstreeks 1650 dood en is in die Fitomiandalana-graftombes by die Rova van Antananarivo begrawe. Hy is deur sy oudste seun, Andriantsimitoviaminandriandehibe, opgevolg.

Verwysings[wysig | wysig bron]

  1. Buyers, Christopher. "The Merina (or Hova) dynasty" (in Portugees). Geargiveer vanaf die oorspronklike op 29 April 2020. Besoek op 9 Oktober 2010.
  2. Callet, François (1972) [1908]. Tantara ny andriana eto Madagasikara (histoire des rois) (in Frans). Antananarivo: Imprimerie catholique., p. 521
  3. Callet, François (1972) [1908]. Tantara ny andriana eto Madagasikara (histoire des rois) (in Frans). Antananarivo: Imprimerie catholique., p. 522

Eksterne skakels[wysig | wysig bron]