Annelie Rabie
| Annelie Rabie | |
 Rabie in 2021 | |
Uitvoerende burgemeester van die Overstrand Plaaslike Munisipaliteit | |
| Ampstermyn 17 November 2021 – 1 April 2025 | |
| Voorafgegaan deur | Dudley Coetzee |
|---|---|
| Opgevolg deur | Archie Klaas[1] |
Uitvoerende burgemeester van die Sentraal Karoo-distriksmunisipaliteit | |
| Ampstermyn Maart 2018 – Julie 2020 | |
| Voorafgegaan deur | Noel Constable |
| Opgevolg deur | Isak Windvogel |
Persoonlike besonderhede | |
| Nasionaliteit |  Suid-Afrika |
| Politieke party | Demokratiese Alliansie |
Annelie Rabie is 'n Suid-Afrikaanse politikus wat tussen Maart 2018 en Julie 2020 burgemeester van die Sentraal Karoo-distriksmunisipaliteit gedien het en daarna, tussen November 2021 en April 2025, die burgemeester van die Overstrand Plaaslike Munisipaliteit was. Rabie is 'n lid van die Demokratiese Alliansie.
Loopbaan
[wysig | wysig bron]Rabie was vir jare lank die Kaapse uitvoerende hoof van die Business Against Corruption nie-winsgewende organisasie totdat sy in Maart 2011 geskors is nadat sy daarvan beskuldig is dat sy haar BAC-kredietkaart misbruik het sowel as haar salaris vermeerder het sonder goedkeuring van die organisasie se bestuur. Sy het toe in April haar bedanking ingedien omdat sy as die Demokratiese Alliansie se burgemeesterskandidaat vir die Prins Albert Plaaslike Munisipaliteit aangewys is, maar dit is nie aanvaar nie. Rabie is as 'n DA-raadslid in die Prins Albert munisipaliteit tydens die plaaslike verkiesings in Mei verkies en toe as koukusleier van die DA op die raad. Na 'n lang dissiplinêre proses is sy op 17 Junie 2011 deur die BAC nasionale bestuur afgedank.[2] Volgens 'n brief wat Februarie 2016 deur die Handelsmisdaadeenheid (Valke) uitgereik is, is geen klag teen Rabie gelê nie, geen ondersoek het plaasgevind nie, en sy is ook nooit deur 'n amptelike wetstoepassingsagentskap aangekla en/of aan enige oortreding skuldig bevind nie.[3]
Rabie is in die 2016-verkiesing as DA-raadslid in die Prins Albert munisipaliteit herverkies en ook as 'n raadslid van die Sentraal Karoo-distriksmunisipaliteit aangewys.[4] In Maart 2018 is sy as burgemeester van die distriksmunisipaliteit verkies nadat die DA 'n koalisie met die kleiner Karoo Gemeenskapsparty gevorm het. Rabie is in Julie 2020 deur 'n mosie van wantroue uit die amp verwyder nadat die burgemeester van Prins Albert, Goliat Lottering van die KGP, die koalisie-ooreenkomste tussen sy party en die DA opgeskort het.[5]
In Augustus 2021 het die DA vir Rabie as hul burgemeesterskandidaat vir die Overstrand Plaaslike Munisipaliteit aangewys vir die verkiesings wat op 1 November 2021 sou plaasvind. Die DA het in die verkiesing hul meerderheid op die Overstrand-stadsraad behou en Rabie is toe tydens die eerste sitting van die raad na die verkiesing op 17 November 2021 as burgemeester verkies.[6] Sy het op 19 Maart 2025 haar bedanking as burgemeester aangekondig en die amp op 1 April 2025 neergelê.[7] Sy is deur Archie Klaas opgevolg.[8]
Op 5 Februarie 2026 is Rabie deur die DA as die party se burgemeesterskandidaat vir die Overberg-distriksmunisipaliteit in die komende plaaslike verkiesings aangewys.[9]
Verwysings
[wysig | wysig bron]- ↑ Tshwete, Mandilakhe (13 Mei 2025). "Overstrand Municipality elects Archibald 'Archie' Klaas as its first black mayor". IOL (in Engels). Besoek op 8 Februarie 2026.
- ↑ Pressly, Donwald (18 Oktober 2011). DA councillor was fired by BAC Western Cape (Engels). Independent Online (IOL). URL besoek op 22 September 2023.
- ↑ Marais, Rick (21 September 2021). Rabie row dies down. Netwerk24. URL besoek op 22 September 2023.
- ↑ Prins Albert hou asem op oor koalisiebeheer
- ↑ DA-burgemeester van Sentraal Karoo pos kwyt
- ↑ Mayor unveils her plans
- ↑ "Dr Rabie steps down as executive Mayor of Overstrand Municipality". Overstrand Municipality (in American English). 19 Maart 2025. Besoek op 8 Februarie 2026.
- ↑ "Mayor Klaas takes the helm in Overstrand". Overstrand Municipality (in American English). 12 Mei 2025. Besoek op 8 Februarie 2026.
- ↑ "DA announces mayoral candidates for 9 Western Cape municipalities". Knysna-Plett Herald (in Engels). Besoek op 8 Februarie 2026.