Annie Malan
| Annie Malan | |
| Geboorte | 11 April 1974 |
|---|---|
| Nasionaliteit | Suid-Afrika |
| Beroep(e) | Aktrise |
| Rolprente | Fiela se Kind |
| Internet-rolprentdatabasis-profiel | |
Annie Malan (gebore 11 April 1974) is 'n Suid-Afrikaanse aktrise, entrepreneur en sosiale persoonlikheid. Sy is veral bekend is vir haar rol in die film Fiela se Kind in 1988. Sy het in twee verdere films gespeel, naamlik That Englishwoman (Dirk de Villiers/1989) en ‘n Pot Vol Winter (Johan Bernard/1991). Daarbenewens het sy die titelkarakter in die televisiereeks Saartjie (Danie Odendaal/1989) gespeel en ook in die reekse Honeyball se toere (1989), Supersnuiters (Sias Odendaal/1990-91), Die Glaskasteel (Peter Goldsmid, Friedrich Stark & Alwyn Swart/1993) almal vir die SABC, en Dit Wat Stom Is (Laurence Lurie/2005) vir kykNET.
Sy was in 1992 die hoofmeisie van die Afrikaanse Hoër Meisieskool in Pretoria en het op 19-jarige ouderdom 'n maatskappydirekteur geword (waarvoor die Hooggeregshof haar tot meerderjarig moes verklaar). Vandag is sy 'n bemarkings- en promosie-entrepreneur en die uitvoerende hoof van Annie Malan Promotions.
Bronnelys
[wysig | wysig bron]- Rapport, 3 Maart 2013
