Ansgard van Boergondië

in Wikipedia, die vrye ensiklopedie
Spring na: navigasie, soek

Ansgard van Boergondië (* 826; † 880) was die eerste vrou van die Wes-Frankiese koning Lodewyk II.

Sy is as dogter van Hardouin van Boergondië gebore. Op die ouderdom van 36 jaar het sy in 862, in die geheim, die later Wes-Frankiese koning Lodewyk II getrou, wat eers 16 jaar oud was.. Die huwelik het plaasgevind teen die wil van Lodewyk se pa, Keiser Karel II, wat sy seun met Adelheid van Friaul wou laat trou.

Keiser Karel het die huwelik van sy seun deur die Pous laat ongeldig verklaar, en in Februarie 878 het Lodewyk met Adelheid van Friaul getrou. Lodewyk het egter op hierdie tydstip reeds vyf kinders uit sy eerste huwelik. Ansgard is verstoot. Die tweede huwelik het net kort geduur, omdat Lodewyk reeds een jaar later gesterf het.

Ansgard probeer om hul egskeiding deur die Aartsbiskop van Reims ongedaan te maak om sodoende haar seuns te laat wettig, sodat hulle die opvolging van hul vader kon aantree. Koningin Adelheid was egter swanger en het ná haar man se dood die lewe geskenk aan 'n seun.

Adelheid is deur Ansgard en haar seuns van egbreuk beskuldig en die moeilike proses het vir etlike jaar voortgesleep. Ansgard se seuns Lodewyk III en Karloman II vermag daardeur om hul vader as konings op te volg. Beide sterf egter na 'n kort bewind sonder 'n erfgenaam. Adelheid is uiteindlik vrygespreek, haar seun is wettig verklaar en later as Karel III gekroon.

Wat van Ansgard geword het is nie bekend nie. Die presiese datum van haar dood en die plek waar sy begrawe is is onbekend.

Afstammelinge[wysig | wysig bron]

  • Lodewyk III (863-883)
  • Gisela (d. 884) ∞ Robert, graaf van Troyes
  • Karlmann II. (867-884)
  • Hildegard
  • Irmentrud (* 875)