Apteker

in Wikipedia, die vrye ensiklopedie
Spring na: navigasie, soek
Ou foto van 'n apteker in Noorweë
Aptekers by 'n vloeibare oraledosisresepteerder

'n Apteker is 'n professionele verskaffer van gesondheidsorg, wat gewoonlik in 'n apteek praktiseer. Aptekers is kundiges op die gebied van dié gesondheidswetenskappe wat fokus op die veilige en doeltreffende gebruik van medisyne. 'n Apteker is 'n lid van die gesondheidsorgspan en is direk betrokke by pasiëntesorg.[1][2]

Opleiding[wysig | wysig bron]

Aptekers ondergaan intensiewe universiteitsopleiding in die biochemiese meganismes en farmakologiese aksies van geneesmiddels, die samestelling van middels, geneesmiddelgebruik, terapeutiese rolle, newe-effekte, potensiële geneesmiddel-interaksies en moniteringsparameters. Dit studie is gekoppel aan menslike anatomie, fisiologie, patofisiologie en siektekunde. Aptekers interpreteer en kommunikeer hierdie gespesialiseerde kennis aan pasiënte en hul geneeskundiges; en kan dit ook aan ander verskaffers van gesondheidsorg, bv. mediese versekeringsfondse, lewer.

Professionele regulering[wysig | wysig bron]

In die meeste lande is die beroep onderhewig aan professionele regulering. Afhangende van die wetlike omvang van die praktyk, kan aptekers bydra tot die voorskryf (ook na verwys as "aptekervoorskrywer") en die beheer van sekere medikasie (bv. inentings en voorbehoeding) in sommige jurisdiksies. Die lisensievereistes verskil in meeste lande, en kan vereis dat 'n apteker óf 'n Baccalaureusgraad in Farmasie (BPharm), óf selfs 'n Doktorsgraad in Farmasie (PharmD), behaal het. 'n Suid-Afrikaanse apteker het egter universiteitsopleiding ondergaan en word na die voltooiing van sy/haar apteekindiensopleiding ingeskryf in die aptekersregister van die Suid-Afrikaanse Aptekersraad.

Beroepsvertakkings[wysig | wysig bron]

Die mees algemene aptekersposisies is dié van 'n gemeenskapsapteker (ook na verwys as 'n kleinhandelapteker), of 'n hospitaalapteker, waar hulle onderrig gee en raad verskaf oor die korrekte gebruik en newe-effekte van mediesvoorgeskrewe dwelmstowwe en medisyne. Aptekers kan ook hul beroep beoefen in 'n verskeidenheid ander instellings, insluitend die vervaardigingsindustrie, groothandel, navorsing, akademie, militêr en regeringsadministrasie.

Sien ook[wysig | wysig bron]

Verwysings[wysig | wysig bron]

Eksterne skakels[wysig | wysig bron]