Arboretum Norr

in Wikipedia, die vrye ensiklopedie
Jump to navigation Jump to search
Deel van die Arboretum

Die Arboretum Norr (Arboretum Noord) is 'n arboretum (boomtuin) in die omgewing van die Sweedse stad Umeå. Die afkorting van die naam van die arboretum is UMEA.

Die idee vir die arboretum het in 1975 tussen die Universiteit van Umeå, die Sweedse Universiteit vir Landbouwetenskappe en die munisipaliteit van Umeå ontstaan. Die arboretum is in 1981 geopen en is slegs in sneeuvrye maande oop vir besoekers.

Die arboretum bevat die volgende landskappe:

  • Bryggan (die brug)
  • Kvarnängen (die saagmeule). Hierdie landskap is geleë op die plek waar daar vroeër 'n saagmeule was.
  • Östra Nordamerika (die ooste van Noord-Amerika)
  • Västra Nordamerika (die weste van Noord-Amerika)
  • Europa (Europa)
  • Östasien (Oos-Asië)

Die arboretum het as doelstelling die bewaring en kweek van boomspesies, veral uit die koue streke, en om kennis hieroor te versprei. Die arboretum het ook 'n saadbank van 60 spesies.

Eksterne skakels[wysig | wysig bron]