Areola

in Wikipedia, die vrye ensiklopedie
’n Vrou se areola.
’n Man se areola.

Die menslike areola (areola mammae) is ’n gepigmenteerde area op die bors om die tepel. ’n Algemener betekenis van "areola" is ’n klein, ronde area aan die menslike liggaam met ’n ander soort samestelling as die res van die vel of ’n ander ronde vlek soos ’n deel van die vel wat ontsteek is.

Vroulike borste het klein openings in die areola wat ’n vloeistof afskei om die tepel tydens borsvoeding te beskerm.[1]

Kleur[wysig | wysig bron]

Areolas se kleur kan wissel van pienk of rooi tot donkerbruin of amper swart, maar is gewoonlik ligter by mense met ’n ligte velkleur en donkerder by mense met ’n donker velkleur.

Grootte en vorm[wysig | wysig bron]

Die grootte en vorm van areolas en tepels wissel ook baie van mens tot mens. Vroue s’n is gewoonlik groter as dié van mans of meisies voor hulle puberteit. Menslike areolas is meestal rond, maar by sommige vroue met groot areolas is hulle ovaalvormig.

Die gemiddelde deursnee van ’n man se areola is sowat 28 mm en ’n volwasse vrou s’n 38,1 mm, hoewel vroue s’n groter as 100 mm kan wees.[2] Tydens die borsvoedingstadium kan ’n vrou se areola nóg groter wees.

Sien ook[wysig | wysig bron]

Verwysings[wysig | wysig bron]

  1. Doucet S, Soussignan R, Sagot P, Schaal B (2009). "The Secretion of Areolar (Montgomery's) Glands from Lactating Women Elicits Selective, Unconditional Responses in Neonates". PLOS ONE. 4 (10): e7579. doi:10.1371/journal.pone.0007579. PMC 2761488. PMID 19851461.{{cite journal}}: AS1-onderhoud: gebruik authors-parameter (link)
  2. Hussain, M.; Rynn, L.; Riordan, C.; Regan, P. J. (2003). "Nipple-areola reconstruction: outcome assessment". European Journal of Plastic Surgery. 26 (7): 356–358. doi:10.1007/s00238-003-0566-x. S2CID 40150919.

Skakels[wysig | wysig bron]