Augur

in Wikipedia, die vrye ensiklopedie
Spring na: navigasie, soek

Die augur was 'n priester en amptenaar in die klassieke wêreld, veral in antieke Rome en Etrurië. Sy hooftaak was die uitlê van die wil van die gode deur bestudering van die vlug van voëls: hetsy hulle in swerms of alleen gevlieg het, watter klanke hulle in vlug geuiter het, die rigting van hul vlug en die soort waartoe hulle behoort het. Dit het bekend gestaan as die "neem van die auspicium." Hierdie plegtigheid en die optrede van die augur het sentraal gestaan tot enige gewigtige onderneming in die Romeinse gemeenskap — publiek of privaat — insluitend sake aangaande oorlog, handel en religie.

Die Romeinse historikus Livius beklemtoon die belang van die augurs: "Wie weet dan nie dat hierdie stad gestig is slegs ná die neem van die auspicium nie, dat alles in oorlog en in vrede, tuis en buitelands, slegs ná die neem van die auspicium onderneem is nie?"[1]

Sien ook[wysig]

Verwysing[wysig]

  1. Livius, VI.41: auspiciis hanc urbem conditam esse, auspiciis bello ac pace domi militiaeque omnia geri, quis est qui ignoret?