Australian Football League
Die Australian Football League (AFL; "Australiese Voetballiga") is die hoogste professionele Australiese voetballiga in Australië.[1] Dit was oorspronklik bekend as die Victorian Football League (VFL) in 1896, en was 'n wegbreekorganisasie van die Victorian Football Association (VFA). Dit is in 1990 na die Australian Football League herdoop nadat dit in die 1980's na ander state en gebiede begin uitbrei het (voor 1982 was alle klubs in Victoria gebaseer).
Die klubkampioenskap in die AFL is die AFL Grand Final, wat gewoonlik elke jaar by die Melbourne Cricket Ground gehou word. Die AFL Grand Final is een van die mees gekykte binnelandse sportbyeenkomste in die wêreld.
Daar is tans 18 spanne in die AFL wat regoor alle vastelandstate geleë is, met 'n naamlose Tasmaniese span wat in 2028 by die liga sal aansluit. AFL Premierskap Seisoen-wedstryde is in alle Australiese state en gebiede gespeel, sowel as in China en Nieu-Seeland.
Die AFL self is 'n mansliga, maar 'n vroueliga, die AFL Women's (AFLW), bestaan sedert 2016.
Klubs[wysig | wysig bron]
Daar is tans 18 klubs in die AFL en die AFLW. Hiervan is 10 in Victoria gebaseer (waarvan nege in Melbourne gebaseer is, die oorblywende een in Geelong). Van die agt klubs wat buite Victoria gebaseer is, is daar twee elk in Nieu-Suid-Wallis ((albei gebaseer in Sydney), Queensland (een in Brisbane en een aan die Goudkus), Wes-Australië (albei gebaseer in Perth) en Suid-Australië (albei gebaseer in Adelaide). Die AFL het in 2023 sy 19de lisensie aan Tasmanië toegeken, en 'n Tasmaniese span sal in 2028 by die liga aansluit.
Elke klub het ook sy eie klubliedjie.
Huidige klubs[wysig | wysig bron]
- Adelaide Crows
- Brisbane Lions
- Carlton Blues
- Collingwood Magpies
- Essendon Bombers
- Fremantle Dockers
- Geelong Cats
- Goudkus Suns
- Greater Western Sydney Giants (GWS)
- Hawthorn Hawks
- Melbourne Demons
- North Melbourne Kangaroos
- Port Adelaide Power
- Richmond Tigers
- St Kilda Saints
- Sydney Swans (voorheen die South Melbourne Swans)
- West Coast Eagles
- Western Bulldogs (voorheen die Footscray Bulldogs)
Toekomstige klubs[wysig | wysig bron]
Voormalige klubs[wysig | wysig bron]
Verwysings[wysig | wysig bron]
- ↑ "Tasmania has signed deal with AFL to establish state team 'after decades of fighting', premier says". ABC News. 3 Mei 2023. Besoek op 3 Mei 2023.
Eksterne skakels[wysig | wysig bron]
- Amptelike webwerf (in Engels)
