Avengers
| The Avengers | |
.jpg)
| |
Cosplayers beeld Avenger-karakters uit.
| |
| Skepping | |
|---|---|
| Eerste verskyning | The Avengers #1 (September 1963) |
| Geskep deur | Marvel Comics Stan Lee en Jack Kirby |
| Inligting | |
The Avengers is 'n span superhelde wat in Amerikaanse strokiesverhale van Marvel Comics verskyn. Hulle is deur die skrywer-redakteur Stan Lee en kunstenaar Jack Kirby geskep. Die span het die eerste keer verskyn in The Avengers #1 (September 1963). Die oorspronklike Avengers is "Earth's Mightiest Heroes" genoem en het bestaan uit Iron Man, Ant-Man, Hulk, Thor en die Wasp. Captain America is in #4 ontdek waar hy in ys vasgevang was en het by die span aangesluit nadat hulle sy lewe gered het.
The Avengers is 'n versameling gevestigde helde van Marvel wat gewoonlik alleen werk, maar soms as 'n span byeenkom om teen buitengewoon gedugte skurke te veg. Dit is in teenstelling met ander superheldspanne soos die X-Men, wie se karakters spesifiek geskep is om as 'n span saam te werk; die span is dan die sentrale deel van hulle identiteit.
The Avengers is geskep om nuwe boeke te verkoop danksy reklame vir karakters oor en weer. 'n Aanhanger van Iron Man sou byvoorbeeld 'n Avengers-boek koop omdat sy held daarin verskyn, maar dan dié se vriend en kameraad Thor sien en van hom begin hou.[1] Die helde in sulke boeke is gewoonlik die bekendstes, wat hulle eie reekse het, soos Iron Man, maar ook minder bekende karakters wat so blootstelling kry, soos Quicksilver.[2]
The Avengers het al in 'n groot verskeidenheid media benewens strokiesboeke verskyn, soos rolprente en televisieprogramme. Van 2008 af is hulle in 'n rolprentreeks van Marvel Studios bekend as die Marvel Cinematic Universe wat eindelik gelei het tot die sesde prent in die reeks, The Avengers van 2012, met nog verskynings van die span in flieks daarna.
Verwysings[wysig | wysig bron]
Skakels[wysig | wysig bron]
Hierdie artikel is in sy geheel of gedeeltelik uit die Engelse Wikipedia vertaal.
